छोटी मोटी टुटली मडैय्या में गौरी दाई,
कोना के रहथिन हे
कोना के रहथि, कते दुख सहति
छोटी मोटी टुटली मडैय्या में गौरी दाई,
कोना के रहथिन हे
हमरो गौरी दाई बर सहलोला
कोना के पिसथी भांगक गोला
पैर जेतैन हाथो में लोड़ही के ठेला
भांग कोना के पिसती हे
छोटी मोटी टुटली मडैय्या में गौरी दाई,
कोना के रहथिन हे
शिव जी दु धुर भांगक बारी
कोना कऽ करता खेती पथारी
धिया पुता के पेटो बखारी
गौरी कोना के भरति हे
छोटी मोटी टुटली मडैय्या में गौरी दाई,
कोना के रहथिन हे
अपने महादेव गेला मसानी
के देतैन बसहा के गूरा आ सानि
भूत प्रेतक डरे भवानी संगे कोना के रहथिन हे
छोटी मोटी टुटली मडैय्या में गौरी दाई,
कोना के रहथिन हे
गीतकार : महाकवि विद्यापति
ليست هناك تعليقات:
إرسال تعليق
अपन रचनात्मक सुझाव निक या बेजाय जरुर लिखू !