की हम साँझक एक सरि तारा लिरिक्स - विद्यापति

Ki Ham Sanjhak Ek Sari Tara 

की हम साँझक एक सरि तारा भादव चौठिक ससी। 

इथि दुहु माझ कोन मोर आनन जे पहु हेरसि न हँसी॥ 

साए-साए कहह-कहह कन्हुँ कपट करह जनु कि मोर भेल अपराधे। 

न मोय कबहुँ तुअ अनुगति चुकलि हुँ वचन न बोलल मंदा। 

सामि समाज पेम असुरंजिए कुमुदिनि सन्निधि चंदा॥ 

भनए विद्यापति सुन बर जौबति मेदनि मदन समाने। 

राज सिवसिंघ रूपनारायण लखिमा देइ रमाने॥