माधव ई नहि उचित विचार - लिरिक्स

Madhav E Nhi Uchit Vichar

रचनाकार - विद्यापति

माधव ई नहि उचित विचार।

जनिक एहनि धनि काम-कला सनि से किअ करु बेभिचार।।

प्रनहु चाहि अधिक कय मानय हदयक हार समाने।

कोन परि जुगुति आनके ताकह की थिक तोहरे गेआने।।

कृपिन पुरुषके केओ नहि निक कह जग भरि कर उपहासे।

निज धन अछइत नहि उपभोगब केवल परहिक आसे।।

भनइ विद्यापति सुनु मथुरापति ई थिक अनुचित काज।

मांगि लायब बित से जदि हो नित अपन करब कोन काज।।