मिथिला धरोहर, प्रभाकर मिश्रा 'ढुन्नी' : शारदा सिन्हा जी गायकी के सार्वकालिक - सार्वभौमिक पहचान त छथिने मुदा माथ पर चौड़गर टिकुली और मुंह मे पान, इहो दु टा खास पहचान छनि। पनबट्टा हैरदम संगे राखय छथि। शारदा सिन्हा जी केर जन्म १ अक्टूबर १९५२ मे मिथिलांचलक समस्तीपुर जिला के हुलास गांव मे भेल छलनी। शारदा सिन्हा जी संगीत मे रघु झा, सीताराम हरि दांडेकर और पन्ना देवी सँ प्रशिक्षण प्राप्त केने छथि। पटना विश्वविद्यालय और प्रयाग संगीत समिति, इलाहाबाद सँ डिग्री प्राप्त केने छथि। एखन समस्तीपुर महिला महाविद्यालय मे संगीत के शिक्षिका छथि और हजारों बच्चिया के संगीतक शिक्षा द रहल छथि।
शारदाजी पिछला ४५ साल सँ हिंदी, मैथिली आ भोजपुरी गायन क रहल छथि। हिनकर पिता सुखदेव ठाकुर बिहार सरकार के शिक्षा विभाग मे अधिकारी छलथि और वैह हिनका मे गायकी के गुण देखबाक उपरांत ओहि के सींचबा के फैसला केलनि।
इहो पढ़ब :-
लोकगीतक लेल हिनका 'बिहार-कोकिला', 'पद्म श्री' आ 'अटल मिथिला' सम्मान सँ विभूषित कैल गेल छनि। संगे १९९९ - २००० के लेल संगीत नाटक अकादमी पुरस्कार सँ सेहो सम्मानित कैल गेल छनि। सारदा जी मैथिली, बज्जिका, भोजपुरी के अलावा हिंदी गीत सेहो गेने छथि। मैंने प्यार किया, हम आपके हैं कौन और गैंग्स ऑफ वासेपुर (तार बिजली से पतले हमारे पिया) एहन फिल्म मे हिनका द्वारा गायल गीत बहुते प्रचलित भेल अछि।
इहो पढ़ब :-
Tags : Sharda Sinha Bihar Kokila Padmashree
कोई टिप्पणी नहीं:
एक टिप्पणी भेजें
अपन रचनात्मक सुझाव निक या बेजाय जरुर लिखू !