मिथिला के शान मानल जाइत छथि मैथिली ठाकुर। हाले मे 20 साल के भेलीह मैथिली के मैथिली मे गाना सबसं बेसी पसिन छनि। आ ओहो मैथिली यानी मां सीता केर जीवन सं जुरल प्रसंग हिनक शास्त्रीय संगीत मे और रस घोइल दइत अछि। अतेक कम उम्र मे मैथिली देशक पहिल पंक्ति के शास्त्रीय गायक मे शामिल छथि। हाले मे आकाशवाणी मैथिली ठाकुर के संग एहन अनुबंध केलक ऐछ जाहिके अंतर्गत मैथिली के द्वारा गाओल गेल शास्त्रीय संगीत के 99 साल धरि प्रसारित कैल जायत। इ एकटा कीर्तिमान अछि जे एतबी कम उम्र के कुनो भी गयिका सं आकाशवाणी दिसन सं एखन धरि एहन कुनो अनुबंध नै भेल। शास्त्रीय संगीत, मैथिली आ आन लोकभाषा के जानल-मानल गायिका छथि मैथिली ठाकुर।
जन्म संगीत के लेल भेलनी : मैथिली कहैत छथि जे हुनकर जन्म संगीत के लेल भेलनी। ओ बच्चे सं संगीतक वातावरण मे पोसेली। हिनकर पिता रमेश ठाकुर अपने सेहो संगीत के टीचर छथि। हिनक देखरेख मे मैथिली अपन संगीत के शिक्षा लेलनि और अखनो भी ओ अपने आप के अभ्यासरत शिष्ये कहैत छथि। दिनक शुरुआते हिनक हारमोनिया पर ओंगरी चलबैत होइत छनि। हिनका अहि गीत-संगीत के अभ्यास मे तबला पर संग दैत छथि हुनक बड़का भैय रिषभ ठाकुर और छोटका भैय अयाची ठाकुर हिनका संग सुर सं सुर मिलाबैत अछि। फिलहाल मैथिली दिल्ली के आत्माराम सनातन धर्मं कॉलेज सं अपन पढाई पूरा क रहल छथि। संगेह गीत-संगीत के सफर के बेहतर बनेबाक प्रयास मे छथि।
इहो पढ़ब:-
मैथिली पहिल बेरा साल 2011 मे लिटिल चैंप्स के ऑडिशन देने छलथि मुदा ओ रिजेक्ट भ गेल छली। एकरा बाद कतेको शोज के लेल ऑडिशन देलथि, मुदा टॉप 20 तक आबि के रिजेक्ट भ जाइत छली। हिनका 6 बेरा रिजेक्शन के सामना करय परलनी मुदा हाइर नै मनलि। फेर 2015 मे जीनियस यंग सिंगिंग स्टार सीजन 2 के खिताब जीतने छली। ओतय इंडियन आइडल जूनियर 2 मे सेहो टॉप 20 मे जगह बनेने छली। मैथिली 5 बेरा दिल्ली राज्य के शास्त्रीय संगीत प्रतियोगिता के विजेता रही चुकल छथि। ओतय मैथिली ठाकुर 2016 मे थारपा नामक एलबम सं अपन संगीत करियर के शुरुआत केने छथि। ओ आब बॉलीवुड मे सफल प्लेबैक सिंगर बनय चाहैत छथि।
इहो पढ़ब:-
मैथिलि के एखन धरि संगीतक क्षेत्र मे "मैथिलि सांस्कृतिक पुरस्कार" सहित बहुते रास अवार्ड भेट चुकल अछि। मैथिली के मधुर आवाज मे यूनिवर्सल म्यूजिक के द्वारा रिकॉर्ड कैल गेल 'या रब्बा' नामक एकटा एल्बम सेहो आबि चुकल अछि।
कोई टिप्पणी नहीं:
एक टिप्पणी भेजें
अपन रचनात्मक सुझाव निक या बेजाय जरुर लिखू !