Chahu Dis Jai Jaikaar Gujal Dharti Gagan Lyrics
चहु दिस जय जयकार गूजल धरती गगन बिच
लेल शक्ति अवतार बाजन बजाय विविध विधि
गाबथि मंगल गीत नगरनारि, सुरवृन्दवधू
उत्सव परम पुनीत करथि निछावर वसन मणि
उमड़थि जनसमुदाय रहि-रहि दर्शन हेतु सभ
रानी लेथि नुकाय, नजरि न लागय दाइके ।।
बचिया के कोरा लेने नाचे गाबे रनिया
आइ सखि पूर भेल शिवक वचनिया ।।0।।
छल न भेरास जिया धिया एहो भेटती
स्कल निराशा दुःख शोक मोरा मेटती
विधना सहाय भेल पुरल लगनिया ।।
जनक निहारय मुँह गद्गद् छतिया
झहरय नोर मुँह आबय नहि बतिया
रामजी जमाय हेता धिया हेती कनिया ।।0।।
केओ नहि जानय जग विधिक विधान की
अवधमे राम भेला मिथिलामे जानकी
मिथिला अवध यश गाबय सारी दुनिया ।।।।
बेटी ओ जमाय देखि रहब मगनमा
के के नहि अओता आब हमरा अंगनमा
लतिका सनेह में सनेह के सुमनिया ।।।।
कोई टिप्पणी नहीं:
एक टिप्पणी भेजें
अपन रचनात्मक सुझाव निक या बेजाय जरुर लिखू !