बड़ सुखसार पाओल तुअ तीरे लिरिक्स | Bar Sukh Saar Paol Tua Teere Lyrics

Bad Sukh Saar Paawal Toye Tire Song Lyrics by Vidyapati

बड़ सुखसार पाओल तुअ तीरे - 2

छाड़इते निकट नयन बह नीरे 

बड़ सुखसार पाओल तुअ तीरे

कर जोड़ि बिनमञो विमलतरङ्गे,

पुन दरसन होअ पुनिमति गङ्गे

कर जोड़ि बिनमञो विमलतरङ्गे,

पुन दरसन होअ पुनिमति गङ्गे, पुनिमति गङ्गे 

बड़ सुखसार पाओल तुअ तीरे

एक अपराध छेँमब मोर जानी,

परसल माए पाए तुअ पानी

एक अपराध छेँमब मोर जानी,

परसल माए पाए तुअ पानी, पाए तुअ पानी 

बड़ सुखसार पाओल तुअ तीरे

कि करब जप तप जोग धेआने,

जनम सुफल भेल एकहि सनाने 

कि करब जप तप जोग धेआने,

जनम कृतार्थ एकहि सनाने, एकहि सनाने

बड़ सुखसार पाओल तुअ तीरे

भनइ विद्यापति समन्दञो तोही,

अंत काल जनु बिसरह मोही

भनइ विद्यापति समन्दञो तोही,

अंत काल जनु बिसरह मोही, बिसरह मोही

बड़ सुखसार पाओल तुअ तीरे...।

इहो पढ़ब:-

● उत्कृष्ट मैथिली साहित्यकार ' डा० शेफालिका वर्मा

● विद्यापति केर शिव प्रेम और उगना केर लोककथा