Nadiya Ke Tire Tire Phala Bhaiya
नदिया के तीरे-तीरे फलां भइया खेलथि शिकार
गे माइ जा कए कहियनु फलां बहिनो हे
आजु भइया औता मेहमान
गे माइ नहि मोरा कोठी अरबा चाउर
पनबसना नहि गूआ-पान
गे माइ कौने विधि राखब भइयाक मान
गे माइ अछि मोरा कोठी अरबा चाउर
तमोलिन मंगाएब गुआ-पान
आगे माइ ताहि विधि राखब भइयाक मान
गाइक गोबर आंगन निपाएब
मधुर राखब मंगाइ
गे माइ ताहि विधि राखब भइयाक मान
कोई टिप्पणी नहीं:
एक टिप्पणी भेजें
अपन रचनात्मक सुझाव निक या बेजाय जरुर लिखू !