Bihula Bishahari Lok Katha : अंग के लोकगाथा के मुताबिक बाला - बिहुला विषहरी पूजा के लेल अंग प्रदेशक राजधानी चंपा नगरी (भागलपुर) मे उद्भव स्थल अछि। एतय माता विषहरी के सती बिहुला के कारण ख्याति प्राप्त भेलनि। भगवान शंकर जी के दत्तक पुत्री विषहरी माता भगवान शंकर जी जंका ख्याति प्राप्त करय चाहैत छलथि। अहि लऽके भगवान शंकर सं अपन इच्छा व्यक्त केलथि। भगवान शंकर कहलखिन, हमर एकटा भक्त अंग प्रदेश मे अछि अगर ओ अहाँक पूजा श्रद्धा भाव सं कऽ लैत अछि, तऽ अहाँक ख्याति भेट जायत।

विषहरी माता चांदो सौदागर सं अपन इच्छा व्यक्त केलखिन तऽ, चांदो सौदागर प्रस्ताव कऽ ठोकरा देलनी। ओ कहलैथ जे हम शिव केर भक्त छी। अहिसँ माता विषहरी क्रोधित भऽ गेलथि आ चांदो सौदागर कऽ सतेनाय शुरू कऽ देलथि। अहि क्रम मे चांदो सौदागर के छह पुत्र के हत्या कऽ देल गेल। संपत्ति के तितर-बितर कऽ देल गेल। सतमा आ आखिरी पुत्र बाला के बियाह सती बिहुला सं संपन्न भेलनि। एकरा अर्थात अपन वंश के बचेबाक लेल चांदो सौदागर भगवान विश्वकर्मा के आह्वान केलथी।

विश्वकर्मा द्वारा बाला के जीवित रखबाक लेल एकटा लोहाक बांसक घर बनाओल गेल, ताकि कुनो ठाम सं सर्प के प्रवेश नै भऽ सकै। इ घर अखनो चंपानगर मे मौजूद अछि। अहि बीच विषहरी विश्वकर्मा के लऽग पहुंच के चेतावनी देलनि, जे एकटा बाल भरी छेद घर मे छोड़य पड़त, नै तऽ परिणाम ठीक नै हैत। भगवान विश्वकर्मा माता विषहरी के बात माइन लेलखिन।

इहो पढ़ब:-

● अंधराठाढ़ी के कन्दर्पी घाटक पर भेल छल मिथिलाक सबसं बड़का भीषण युद्ध

सुहाग राइतिक दिने विषहरी के भेजल दूत नाग रात्रि 12 बजे सिंह नक्षत्र के प्रवेश होएते बाला लखेंद्र के डइस लेलक, जाहिसँ हुनक मृतु भऽ गेलनि। बिहुला सती छलीह, ओ हाइर नै मनलनी।सती बिहुला चंपा नदी के जल मार्ग सं मंजूषा नाउ पर चइढ़ कऽ देवलोक जाइत छथि आ अपन पति लखेंद्र के जिंदा लऽ के आनैत छथि।

देवलोक सं देवराज इंद्र माता विषहरी सं अनुरोध करैत छथिन आ सती बिहुला के महत्व पर चर्चा करैत छथिन। सती बिहुला सं माता विषहरी फेर वैह बात दोहराबैत छथिन, जे चांदो सौदागर के कहने छलखिन। सती बिहुला के प्रस्ताव पर चांदो सौदागर ना-नुकूर करैत हामी भैर देलन आ कहलैथ जे दहिना हाथ सं भगवान शंकर जी के आ बांमा हाथ सं माता विषहरी के पूजा करब, तहिया सं आय  धरि विषहरी पूजा मे बांमा हाथे सं पूजा होइत अछि।

इहो पढ़ब:-

● मिथिलाक लोग पर्व सामा चकेबा के कहानी

लोक कथाक अनुसार बताओल गेल अछि जे मंजूषा एकटा नाव अछि, जेकर निर्माण शिल्पराज विश्वकर्मा जी स्वयं तैयार केने छलखिन। एकर भित्ती पर लहसन मालाकर चित्रकारी केने छलाह। अहि चित्रकारी के माध्यम सं हुनक मृतुक घटना के वर्णन कैल गेल छल। अहि नाव सं फेरो सती बिहुला वापस सेहो आयल छलीह। तैं तहने सं मंजूषा कला Manjusha Art के महत्व सेहो बइढ़ गेल।

वीरभद्र (सोखा बाबा) उत्पति के पौराणिक इतिहास

सोखा बाबा के अध्यात्मिक उल्लेख 80 के दशक में लोधास निवासी पं. रामस्वरूप तिवारी द्वारा रचित 'सोखा चालिसा' मे भेटैत अछि। जाहिमे चालीस चौपाई मे पौराणिक साक्ष्य के संगे श्री वीरभद्र के उत्पति के चर्चा कैल गेल अछि। 

लिंग पुराण के अनुसार भगवान शिव केर अर्द्धांगिनी सत्ती के पिता छलखिन दक्ष प्रजापति। कुनो कारणवश ओ भगवान शिव सं नाराज रहैत छलथि।  एक बेरा ओ यज्ञ के अनुष्ठान केलथि। मुदा भगवान शिव के अपमानित करबाक नियत सं हुनका आमंत्रित नै देलखिन। देवता के यज्ञ मे जाइत देख देवी सत्ती पति शंकर भगवान सं जिज्ञासा जतेलथि। पिता द्वारा यज्ञ के आयोजन मे हुनका आ भगवान शिव के आमंत्रित नै करबाक बावजूद अपना संगे हुनको ओतय चलबाक जिद करय लगली। भगवान शंकर बिना बजायल जेबा सं मना कऽ देलखिन। बावजूद सत्ती के जिद पर शंकर जी जय-विजय नामक अपन दु टा गण के संग हुनका भेज देलखिन। पिता के यज्ञ मे निरादर भेटय सं आहत सत्ती ओतय यज्ञ कुंड मे भष्मीभूत भऽ के अपन देह त्याग देलखिन। एहिके सूचना भेटला पर भगवान शंकर क्रोधित भऽ गेलाह आ ओ अपन जटा के नाचाबय लगलऽखिन। सिर के जटा सं एकटा टूटल बाल सं वीरभद्र के अवतरण भेलनि। जे भगवान शंकर के इच्छा पर यज्ञ स्थल पर जा कऽ दक्ष के यज्ञ के विध्वंस कऽ देलखिन। 

इहो पढ़ब :-

● कंकाली मंदिर : दरभंगा

जाहिके साक्ष्य सोखा बाबा के मंदिर आ बक्सर जिलाक लोधास गाम स्थित सती कुंड अछि। उक्त कुंड एकटा पोखरीक रूप मे आयो अस्तित्व मे अछि। जाहिके तट पर सत्ती अर्थात मां दुर्गा के मंदिर स्थापित अछि। हरिद्वार के समीप जाहि 'कनखल' मे सोखा बाबा के अवतरित हेबाक बात कहल जाइत अछि ओ अपभ्रंश भऽ के आय कड़सर भऽ गेल अछि।

सोखा बाबा के कुल देवता के रूप मे किछ लोग प्रतीक स्वरूप अपन घरे मे हुनकर पूजा करैत अछि। मुदा पूरा देश मे दु जगह उतराखंड के कनखल आ बक्सर के कड़सर मे हिनकर मंदिर अछि।

इहो पढ़ब :- 

● दरभंगा के अहि स्कूल मे बच्चा निभावैत अछि गुरुकुल के पुरान परंपरा

बक्सर : सिद्धाश्रम के नाम सं विख्यात बक्सर के अहि पावन क्षेत्र के बखान पुराण मे ओहिना नै अछि। अहि वृत्त क्षेत्र मे कतेको एहन घटना घटल, जाहिके वर्णन विभिन्न धर्म ग्रंथ मे त भेटते कछि, मंदिर आ प्रतिमा के रूप मे साक्ष्य सेहो भेटय अछि। ओहि मे सं एक अछि इटाढ़ी प्रखंड के विक्रम इंगलिश पंचायत अंतर्गत कड़सर गामक ( Sokhababa Dham, Buxar, Kauresar ) पास स्थित सोखा धाम। जतय रूद्रावतार वीरभद्र के मंदिर अछि जे सूबे के इकलौता आ देशक दोसर वीरभद्र सोखा मंदिर अछि।

दीना-भद्री के गाथा ( प्रथम भाग ) मे दूनु भैयारी मनुसदेवा (पूजित मृतात्मा ) बैन के आबैत अछि आ फेर संघर्ष करैत अछि। मुसहर आयो अपन अहि नायक के वापस एबाक बाट ताकैत अछि।

छवि साभार - अक्षय आनन्द सन्नी

● लोक देवता दीना भद्री के लोकगाथा - दोसर भाग