कान्ह हेरल छल मन बड़ साध - लिरिक्स

Kanha Heral Chhal Man Bad Saadh

रचनाकार - श्री विद्यापति

कान्ह हेरल छल मन बड़ साध।

कान्ह हेरइत भेलएत परमाद।।

तबधरि अबुधि सुगुधि हो नारि।

कि कहि कि सुनि किछु बुझय न पारि।।

साओन घन सभ झर दु नयान।

अविरल धक-धक करय परान।।

की लागि सजनी दरसन भेल।

रभसें अपन जिब पर हाथ देल।।

न जानिअ किए करु मोहन चारे।

हेरइत जिब हरि लय गेल मारे।।

एत सब आदर गेल दरसाय।

जत बिसरिअ तत बिसरि न जाय।।

विद्यापति कह सुनु बर नारि।

धैरज धरु चित मिलब मुरारि।।

>> विद्यापति के आन गीत सब

● सैसव जौवन दुहु मिलि गेल

● जगत विदित बैद्यनाथ 

● जौवन रतन अछल दिन चारि

● अभिनव कोमल सुन्दर पात

● जाइत पेखलि नहायलि गोरी