दुल्हा दुलरूवा बबुआ, अबध किशोर हे,
जनक जमैया देखि -2, मनमा विभोर हे।
दुल्हा दुलरूवा बबुआ...
फुल सन कोमल देहिया, पान सन ठोर हे,
कमल नयन रघुवर - 2, सिया चितचोर हे।
दुल्हा दुलरूवा बबुआ...
अछि मोन शंका सखि हे, सुनु बात मोर हे,
कोना क ई भंग कयलनि-2, धनुष कठोर हे।
दुल्हा दुलरूवा बबुआ...
रवि सम कान्ति चमकत, जोत ईजोर हे,
श्याम वरण दुल्हा - 2, दुल्हिन गोर हे।
दुल्हा दुलरूवा बबुआ...
चलु सखि बान्हु वर कें, प्रितक डोर हे,
कहत 'माधव' सखि हे -2, पहुना बेजोड़ हे।
दुल्हा दुलरूवा बबुआ....
गीतकार: दिनेश झा 'माधव
इहो पढ़ब :-
कोई टिप्पणी नहीं:
एक टिप्पणी भेजें
अपन रचनात्मक सुझाव निक या बेजाय जरुर लिखू !