कतय छी हे अम्बे, श्रवण चखु मुनने (जननि पूर्णकामा) - मैथिली पुत्र प्रदीप

कतय छी हे अम्बे, श्रवण चखु मुनने, 

दशा की ने देखी सुनइ छी न अपने ?

हमर दुर्दशा की अहाँ नै देखै छी, 

हमर ई व्यथा की अहाँ नै बुझै छी 

जगत व्यापनी की जनइ छी न,

दशा की ने देखी सुनइ छी न अपने

सुनल अछि कतेको कथा माँ दया के 

सुनल अछि अनेको अमर कीर्ति माँ के 

शरण मे एलौ तँ सम्हारु ने अपने। 

दशा की ने देखी सुनइ छी न अपने

धरणि सँ गगन धरि अहिकेर माया, 

अहिकेर सुधा सँ बनल शुभ्र काया, 

तखन मंजुषा कोन छी नेह रखने। 

दशा की ने देखी सुनइ छी न अपने।

रचनाकार: मैथिली पुत्र प्रदीप (प्रभुनारायण झा)