एक पुड़िया सेनूर पिया लऽ के जरुर
एक पुड़िया सेनूर पिया लऽ के जरुर
अहाँ गौरी पूजन बेर आयब यौ
हम कोहबर सजैब, अहिबात बैसैब
दुनु मिल के दीप जरायब यौ
अहाँ गौरी पूजन बेर आयब यौ
लाल अरहुल फूल हम लोढ़ी आनब
अहाँ बेलपात कनबि तोरी आनब
फूल डाली साजैब, एगो माला बनैब
दुनु मिल के गौरी के सजायब यौ
हम सोना के थारी कपूर जरैब
अहाँ पटबा दोकान सं गुगुल ल ऐब
कनी फल लेने ऐब, मां के भोग लगैब
दुनु मिल के आरती उतारब यौ
कोई टिप्पणी नहीं:
एक टिप्पणी भेजें
अपन रचनात्मक सुझाव निक या बेजाय जरुर लिखू !