Dur Dur Chhiya E Chhiya Lyrics
दुर-दुर छीया ए छीया, दुर-दुर छीया ए छीया,
एहन बौराहा बर संग, एहन बौराहा बर संग
जयती कोना धीया
दुर-दुर छीया ए छीया, दुर-दुर छीया ए छीया
पाँच मुख बीच शोभनि तीन अंखिया, - 2
सह सह नचै छनि, सह सह नचै छनि साँप सखिया
दुर-दुर छीया ए छीया...
काँख तर झोरी शोभनि, धथूर के बीया, - 2
दिगम्बर के रूप दखि, दिगम्बर के रूप दखि
साहले मैना के हीया
दुर-दुर छीया ए छीया...
जँ धीया के विष देथिन पिआ, कोहबर मे मरती धीया
भनहि विद्यापति सुनू धीया के माय,
बैसले ठाम गौरी के गुजरिया
दुर-दुर छीया ए छीया...
कोई टिप्पणी नहीं:
एक टिप्पणी भेजें
अपन रचनात्मक सुझाव निक या बेजाय जरुर लिखू !