माछ बनयबा काल के गीत - मैथिली लोकगीत

१. कथी केर हाँसू लए - Maithili Lokgeet

कथी केर हाँसू लए माछ बनबथिन हे
हे नव सुन्दरि दुलहिन
कथी केर बेंट लगाय
हे नव सुन्दरि दुलहिन
सोना केर हाँसू लए माछ बनबथिन हे
हे नव सुन्दरि दुलहिन
रूपे के बेंट लगाय
हे नव सुन्दरि दुलहिन
एकहि हाथे काटब सुहबे रहू मछरिया
हे नव सुन्दरि दुलहिन
सखि सब देती नहि तऽ गारि
हे नव सुन्दरि दुलहिन

इहो पढ़ब:-

● मैथिली गीत - ललिया गे ललिया लिरिक्स