मिथिला धरोहर: मिथिला सहित देश आ विदेश पर्यन्त मे 'सत्य नारायण भगवान्' ( Satyanarayan Vrat, Katha ) केर पूजाक विशेष आस्था-आधार हिन्दू मानव-संसार लेल अछि। एहि पूजा मे व्रतक धारण, भगवानक पूजा आ कथा-श्रवण उपरान्त धूप-दीप-आरती, चरणामृत आ प्रसाद-ग्रहणक विशेष विधान अछि। मिथिलाक घर-घर मे ई पूजा कैल जाइछ। कतेको सुशिक्षित, सुसंस्कृत आ सुसंगठित समुदाय मे एहि पूजाक आयोजन नियमित रूप सँ आपस मे पार लगाकय कैल जाइछ। बेसी बेर पुर्णिमा दिन या फेर संक्रान्तिक अवसर पर सत्य नारायण भगवानक पूजा-अर्चना कैल जाइछ। मिथिला मे तऽ एहि पूजा सँ लगभग हरेक शुभ-अशुभ कर्मकाण्ड केँ पूर्णाहूति जेकाँ सेहो देल जाइछ। जेना, कोनो श्राद्ध-कर्म उपरान्त सत्य नारायणभगवानक पूजा केलाक बाद यज्ञक पूर्णाहूति मानल जाइछ। तहिना उपनयन, मुंडन, घरवास, आदि अवसर पर सेहो सत्य नारायण भगवानक पूजा कैल जाइछ। लोक भले प्रवास पर कियैक नहि बसैत हो, मुदा सत्य नारायण भगवानक पूजा नियमित करिते टा अछि। एहि पूजाक विधान, नियम आ व्रत आदिक विधान अत्यन्त महत्त्वपूर्ण अछि। लेकिन एकटा बातक कमी सब दिन देखलहुँ जे कथा-श्रवण समय बहुतो बेर लोक-आस्था संस्कृत नहि बुझि पेबाक कारणे निरसताक अनुभूति करैत अछि, या फेर ओहेन गहिंर भक्ति-भावनाक जागृति नहि होइत छैक जे यथार्थ मे आवश्यक छैक। कोनो पूजाक महत्त्व भक्ति-भाव संपन्नता सँ आत्मिक प्रसन्नताक उपलब्धि होइत छैक। यैह निमित्त एतय एक बेर कथा वृत्तान्त अपन मैथिली भाषा मे राखि रहल छी। 

एहि पूजाक मूल उद्देश्य समस्त दु:खसँ मुक्ति होइत अछि। कलिकाल मे सत्य केर पूजा विशेष फलदायी होइत अछि। मनोवांछित फल हेतु कबुला कैला पर या फेर नियमित रूप सँ एहि कथाक आयोजन कैल जाइछ। एहि मे व्रत-पूजा आ कथा दुइ भाग होइत अछि। स्कंधपुराणक रेवाखंड सँ संकलित अछि ई व्रत-कथा। 

कथा:-

दोसर दिशि साधु वणिक एवं राजा तुंगध्वज स्वार्थबद्धकोटि केर सत्यव्रती छल। स्वार्थ साधन हेतु बाध्य होइत ई दुनु पात्र सत्याचरण केलक; सत्यनारायण भगवानक पूजार्चा केलक। साधु वणिकक सत्यनारायण भगवान् मे निष्ठा नहि छल। सत्यनारायण पूजार्चाक संकल्प लेला बाद ओकर परिवार मे कलावती नामक कन्या-रत्नक जन्म भेलैक। कन्याजन्मक पश्चात ओ अपन संकल्प केँ बिसरा देलज आर सत्यनारायण भगवानक पूजार्चा नहुि केलक। ओ पूजा-कर्म कन्याक विवाहक समय धरि तक लेल टारि देलक। कन्याक विवाह-अवसर पर सेहो ओ सत्याचरण एवं पूजार्चा सँ मुह मोड़ि लेलक आ जमायक संग व्यापार-यात्रा पर निकैल गेल। दैवयोग सँ रत्नसारपुरमे श्वसुर-जमायक ऊपर चोरीक आरोप लागि गेल। ओतय हुनका लोकनि केँ राजा चंद्रकेतुक कारागार मे रहय पड़ल। श्वसुर आर जमाय कारागार सँ मुक्त भेल तऽ श्वसुर (साधु वाणिक) एक दण्डीस्वामी सँ झूठ बाजि देलक जे ओकर नाव मे रत्नादि नहि, मात्र लता-पत्र (फूल-पत्ती) टा अछि। एहि मिथ्यावादनक चलते ओकरा संपत्ति-विनाशक कष्ट भोगय पड़ि गेल। अन्तत: बाध्य भऽ कऽ ओ फेर सँ सत्यनारायण भगवानक व्रत केलक। साधु वाणिक केर मिथ्याचारक कारण ओकर घरो पर भयंकर चोरी भऽ गेलैक। पत्नी-पुत्र दाना-दानाक मोहताज बनि गेलैक। तही बीच ओकरा सबकेँ साधु वाणिकक सकुशल घर आपस अयबाक सूचना भेटलैक। ओहि समय कलावती अपन माता लीलावतीक संग सत्यनारायण भगवानक पूजार्चा कय रहल छल। समाचार सुनिते देरी कलावती अपन पिता आ पति सँ भेट करबाक लेल दौड़ि गेल। एहि हड़बड़ी मे ओ भगवानक प्रसाद ग्रहण करनाय बिसैर गेल। प्रसाद नहि ग्रहण करबाक कारण साधु वाणिक और ओकर जमाय नाव सहित समुद्र मे डूबि गेल। फेर अचानक कलावतीकेँ अपन गलतीक ध्यान पड़ल। ओ दौड़ल-दौड़ल घर आयल और भगवानका प्रसाद लेलक। तेकर बाद सब किछु ठीक भऽ गेलेक।

यत्कृत्वासर्वदु:खेभ्योमुक्तोभवतिमानव:।

विशेषत:कलियुगेसत्यपूजाफलप्रदा।

केचित् कालंवदिष्यन्तिसत्यमीशंतमेवच।

सत्यनारायणंकेचित् सत्यदेवंतथाऽपरे।

नाना रूपधरोभूत्वासर्वेषामीप्सितप्रद:।

भविष्यतिकलौविष्णु: सत्यरूपीसनातन:।