मिथिला धरोहर, दरभंगा : विदेश मंत्रालय दरभंगा मे पासपोर्ट सेवा लघु केंद्र खोलत। एहीसे उत्तर बिहार (मिथिला) के लोग के आसानी सँ पासपोर्ट भेटय लागत। बिहार मे एखन धरि मात्र पटना मे क्षेत्रीय पासपोर्ट कार्यालय अछि। एही कारण राज्यभर के लोग के पासपोर्ट बनेबा के लेल पटना जेबाक परैत अछि।
दरभंगा मे पासपोर्ट सेवा लघु केंद्र खुलबा के बाद मिथिला (उत्तर बिहार) के नौटा जिला के लोग दरभंगा मे पासपोर्ट बनबा पेता। एतय दरभंगा, किशनगंज, पूर्णिया, मधेपुरा, अररिया मधुबनी आदि जिला के लोग के लाभ भेटत।
दरभंगा मे पासपोर्ट सेवा लघु केंद्र के स्थापना के लेल विदेश मंत्रालय के संयुक्त सचिव (पासपोर्ट सेवा प्रोजेक्ट) मुक्तेश्वर कुमार परदेशी बिहारक दौरा पर छैथ। सोमदिन भोरे पटना सँ दरभंगा के लेल प्रस्थान केलैथ। जानकरी के मुताबिक कार्यालय स्थल के निरीक्षण भ गेल अछि। जांच रिपोर्ट विदेश मंत्रालय के भेजल जायत।
कोई टिप्पणी नहीं:
एक टिप्पणी भेजें
अपन रचनात्मक सुझाव निक या बेजाय जरुर लिखू !