अन्त श्रावण केर ई मेघ - वैद्यनाथ मिश्र यात्री

बरिसइत रहओ अहिना

भरि दिन, भरि राति

अन्त रावण केर ई मेघ

भिजबइत रहओ अहिना

कर्मातअन ज’न ज’नीक गत्र गत्र

अन्त श्रावण केर ई मेघ

सुनइत रहओ अहिना

रिकशावला इसखी छोंड़ा क गारि

अन्त श्रावण केर ई मेघ

लोकोक कतवहि मेँ

अर्ध दग्ध ऊपर फाँटू कोइला बिछइत

आयत आँखिवाली सँथाल-छँउड़ीक उपराग

सेहो सुनइत रहओ अहिना

अन्त श्रावण केर ई मेघ

तितबइत रहउ अहिना

तीसी तेलक चिकनाओल ओकर खोपा

अन्त श्रावण केर ई मेघ