मिथिला धरोहर : सुशांत सिंह राजपूत के जन्म 21 जनवरी 1986 के पूर्णिया जिला बीकोठी के मालदहा गांव मे भेल छनि। (मृत्यु 14 जून 2020 ) सुशांत अपन करियर के शुरुआत साल 2008 मे टीवी सीरियल 'किस देश में है मेरा दिल' सं केने छलथि। सुशांत सिंह राजपूत के डेब्यू फिल्म “काई पो छे" (2013) सं भेलनि। सुशांत सिंह राजपूत के फिल्म इंडस्ट्री मे पहचान हुनक टीवी सीरियल “पवित्र रिश्ता” सं भेटलनी। जाहिमे मानव देशमुख के किरदार निभेने छलथि।
पटना के सेंट करेंस स्कूल मे पढाई क चुकल सुशांत के 2000 मे पिताजी के ट्रांसफर'क कारण सं दिल्ली आबय पड़लनि। दिल्ली मे हंसराज मॉडल स्कूल मे सुशांत बाकी के पढाई केलथि। 2002 मे सुशांत के मां के निधन भ गेलनि। मां के सुशांत सं बहुते उम्मीदें छलनी। सुशांत जखन 11वी मे छलथि तहन ओ फिजिक्स ओलिंपियाड मे गेल छलथि। और ओतय हुनका गोल्ड मैडल भेटल छलनी घरक लोक के लगलनि जे सुशांत मे एकटा क़ाबिल इंजीनियर बनबाक खूबि अछि। सुशांत दिल्ली कॉलेज ऑफ़ इंजीनियरिंग सं पढाई केलनि। हिनकर सब्जेक्ट मैकेनिकल छलनी।
इहो पढु - आयो मधुबनी के हरलाखी मे अछि भगवान राम केर तीर
सुशांत के लगलनी जे किछ एक्स्ट्रा एक्टिविटी करबाक चाहि एकरा लेल सुशांत श्यामक डावर के डांस क्लास जॉइन क लेलनि। सुशांत के बचपने सं डांस के प्रति लगाव छलनी। श्यामक डावर के डांस ग्रुप मे सुशांत के नेशनली और इंटरनेशनली परफॉर्म करबाक अवसर भेटलनि। ऑस्ट्रेलिया मे भेल कॉमनवेल्थ गेम मे सुशांत के एश्वर्या राय संग जूनियर डांसर के तौर पर डांस करबाक अवसर भेटलनि। एक दिन श्यामक सुशांत सं कहलनि, “तुम मेरे फाइनेस्ट डांसर नहीं हो, फिर भी मुझे तुम में कुछ अलग बात लगती है। जो दूसरों में नहीं दिखती हैं।” अहि वाकया के बाद सुशांत डिसाइड केलथि जे ओ थियेटर जॉइन करता। सुशांत बैरी जॉन के थियेटर ग्रुप के जॉइन केलथि। एकर पाछु कारण छल शाहरुख के डाई हार्ड फैन भेनाइ। शाहरुख सेहो कखनो अहि थियेटर ग्रुप के हिस्सा छलथि।
फिल्म:-
फिल्म 'काय पो छे!' के बाद सुशांत के दोसर फिल्म छलनी 'शुद्ध देसी रोमांस' अहि फिल्म मे ओ एक रोमांटिक लड़का के किरदार प्ले केने छलथि। तेसर फिल्म 'एमएस धोनी : द अनटोल्ड स्टोरी' सुशांत लेल सबसँ बेसी चुनौतीपूर्ण किरदार रहलनी। इ फिल्म भारतीय क्रिकेट टीम के कप्तान महेंद्र सिंह धोनी के बायोपिक छल। एकर अलाबा फिल्म 'केदारनाथ', 'छिछोरे', 'राब्ता', 'पीके', 'डिटेक्टिव ब्योमकेश बक्शी', 'गुस्ताखियां', 'वेलकम टू न्यू यॉर्क', 'सोनचिड़िया', 'ड्राइव', 'दिल बेचारा', 'रोमियो अकबर वाल्टर', 'पानी', 'हैप्पी एनिवर्सरी' फिल्म मे अभिनय क चुकल छथि।
टीवी शो:-
'पवित्र रिश्ता', 'झलक दिखला जा', 'किस देश में है मेरा दिल', 'जरा नचके दिखा'।
पुरस्कार:-
सुशांत 2014 मे अपन फिल्म 'काई पो छे' लेल सर्वश्रेष्ठ पुरुष पदार्पण के लेल स्क्रीन अवार्ड जीतने छथि। ओहि वर्ष 'काई पो छे' के लेल सर्वश्रेष्ठ पुरुष पदार्पण के लेल प्रोड्यूसर्स गिल्ड फिल्म अवार्ड सेहो भेटलनि। 2017 मे फिल्म 'एम.एस.धोनी द अनटोल्ड स्टोरी' मे अपन भूमिका लेल सर्वश्रेष्ठ अभिनेता (आलोचक) के पुरस्कार जीतलथि। संगे 'एम.एस.धोनी: द अनटोल्ड स्टोरी' फॉर इंडियन फिल्म फेस्टिवल ऑफ मेलबर्न मे सर्वश्रेष्ठ अभिनेता के पुरस्कार सेहो भेटलनि।
# Sushant Singh Rajput Biography
कोई टिप्पणी नहीं:
एक टिप्पणी भेजें
अपन रचनात्मक सुझाव निक या बेजाय जरुर लिखू !