मिथिला धरोहर, प्रभाकर मिश्र : मूल रूप सँ मधुबनी जिला के कोयलख मे शिक्षक परिवार मे जन्म लेनिहार नरेन्द्र झा Abhineta Narendra Jha बहुते रास धारावाहिक और फिल्म मे अभिनय क चुकल छथिन। हिनक प्रारंभिक शिक्षा दीक्षा पटना मे आ उच्चतर शिक्षा दिल्ली मे सम्पन भेलनि। जेएनयू, नई दिल्ली सँ इतिहास मे एमए केला के उपरान्त श्री राम सेन्टर मे कलाकर्क रुप मे अपन कला प्रदर्शन वास्ते दाखिल भेलनि। १९९६ मे एबीसीएल द्वारा फ़िल्म मे मुख्य भूमिका के लेल हुनकर चयन कायल गेलनि । झा बड़का पर्दाक संगे छोटका पर्दा पर सेहो अपन अभिनय सँ दर्शक के दिल मे अपन एकटा अमित छाप छोड़ने छथि। ओ बहुते रास शोज़ मे नजर आबि चुकल छथि, जहिमे प्रमुख अछि - छूना है आसमान, चेहरा, एक घर बनाऊंगा, कैप्टन हाउस, जय हनुमान।
नरेन्द्र झा छोटका पर्दा के सीरियल हवन के हरी ओम बापजी के नाम सँ जानल जाइत अछि। संगे 'हमने ली है शपथ' मे एसीपी करणवीर, ठेफ्ट ऑफ बगदाद मे शीर्षक किरदार, और एहिके अलावा आम्रपल्ली (दूरदर्शन), रावण (ज़ी टीवी), आदि धारावाहिक मे काज क चुकल छथि। एखन एण्ड टीवी पर प्रसारित धारावाहिक 'बेगुसराय' मे ठाकुर के भूमिका निभा रहल छथि। एखन धरि हुनका द्वारा अभिनित फ़िल्म अछि - जी वी अय्यर के 'शान्तला' (२००१), 'फ़ंटूश' (२००२), तेलुगु फ़िल्म 'छत्रपति' (२००२), 'नेताजी सुभाष चन्द्र बोस' (२००४), 'कच्ची सड़क' (२००५), शेखर झा के 'एक दस्तक' (२००६), राज मौली के 'यमदोंगा' (२००७) आदि।
इहो पढ़ब:-
 |
| अभिनेता सन्नी देओल के संग नरेंद्र झा |
जून, २०१५ मे रिलीज फिल्म 'हमारी अधूरी कहानी' मे सेहो काज क चुकल छथि। एहि फिल्म मे ओ एकटा पुलिस इंस्पेक्टर के भूमिका निभेने छलथि। एहिके अलावा २०१४ के सुपरहिट फिल्म 'हैदर' फिल्म मे शाहिद कपूर के पिता के भूमिका निभा चुकल छथि। नरेन्द्र झा जी स्टार प्लस के धारावाहिक ‘तेरे शहर में’ अतिथि भूमिका मे नजर आबि चुकल छथि। २०१६ मे प्रदर्शित फिल्म 'घायल वन्स अगेन' मे हिनक किरदार राज वंसल नामक मुख्य विलेन के छलनी। नरेंद्र झा के करियर मे 'हमारी अधूरी कहानी', मोहनजोदारो', 'फोर्स 2' और 'काबिल' एहन फिल्मक नाम शामिल अछि।
इहो पढ़ब:-
नरेंद्र झा के आकस्मिक निधन 55 वर्षक आयु में 14 मार्च 2018 के हार्ट अटैक एला सं भ गेलनि।
कोई टिप्पणी नहीं:
एक टिप्पणी भेजें
अपन रचनात्मक सुझाव निक या बेजाय जरुर लिखू !