दुखवा मिटाई छठी मईया
रउवे असरा हमार
रउवे असरा हमार
सबके पुरावेली मनसा
हमरो सुन लीं पुकार
हमरो सुन लीं पुकार
ससुरा में आईनीं कईनीं बरतिया
हियवा जुराईं दीहीं पिया के पिरितिया
पिया के पिरितिया
अचल सोहाग दीह मैया
कइनीं बरत तोहार
कइनीं बरत तोहार
गोदिया भराइ दीहीं पियवा पुतवा
अंचरा में भरी दीहीं ममता दुलरवा
ममता दुलरवा
सुपवा चढाइब छठी मैया
देहब अरग तोहार
देहब अरग तोहार
सास ससुर के रोगवा मेटैह
उनकर कायवा के कंचन बनैह
कंचन बनैह
लउके अन्हार छठी मैइया
कर दीहीं घर उजियार
कर दीहीं घर उजियार
देवरा ननदिया के दीहीं बरदनवा
परिजन पुरजन पुराईं सपनवां
पुराईं सपनवां
घाटे सभे मिली छठी मैया
गावेली महिमा तोहार
गावेली महिमा तोहार
दुखवा मिटाईं छठी मैया
रउवे असरा हमार
रउवे असरा हमार
सबके पुरावेली मनसा
हमरो सुन लीं पुकार
हमरो सुन लीं पुकार
स्वर: श्री शारदा सिन्हा
गीत: हृदय नारायण झा
कोई टिप्पणी नहीं:
एक टिप्पणी भेजें
अपन रचनात्मक सुझाव निक या बेजाय जरुर लिखू !