मैथिली चुटकुला : फेकना और मास्टर साहेब

काल्हि फेकना'क बेटा इसकुल सँ नोरे झोरे कानैत एलै !
फेकना पुछलकै - की भेलौ रौ..?? एना बफारि कियै तोरने छैं !
छौरा कहलकै - मास्टर सैब बड मारि मारलकैए, छौंकी सँ छरीपीटा देल'क !

फेकना पुछलकै से कियै!

छौरा कहलकै , आइ मास्टर सैब कहलखिन जकरा जे किछु पुछबाक छौ से पुछ!

फेकना - अच्छा .....त' तु की पुछलही!

छौरा - हम पुछलियै मास्टर सैब यौ...हाथी के फ्रीज में कोना बन्न करबै!

मास्टर- धुर रे ढ़हलेल , रौ हाथी कोना फ्रीज में घुसतै !

छौरा- एह हमर फ्रीज बरकी टा के छै ! बस पहिने फ्रीज खोलबै फेर हाथी के बन्न करबै!

इहो पढ़ब:-

● लिरिक्स - अहाँ सं नेह जे लगा लेलियै, फिल्म मीत हम्मर जनम जनम के

एकटा आर प्रश्न पुछू...
मास्टर - हँ पुछ ने रै अभगला !
छौरा - गदहा के कोना बन्न करबै फ्रीज में...??
मास्टर- फ्रीज खोलबै आ बन्न क' देबै..!!
छौरा - नै भेल......नै भेल.....

पहिने हाथी के नीकालबै आ गदहा के बन्न क' देबै !

एकटा आर प्रश्न पुछु..
मास्टर - हँ पुछ ने रै खचराहा
छौरा - बानर'क बीयाह में जतेक जीव जन्तु छलै सब एलै मुदा एकटा जानवर के छोरि क' तकर नाम कहु!

मास्टर - शेर हेतै कियैक त' ज' शेर आबि जैतैए त' सब जीव जन्तु के खा जैतै, ठीक ने!

छौरा - नै भेल.......नै भेल!
गदहा.....गदहा... कियेक त' ओ फ्रीज में बन्न अछि !
एकटा आर प्रश्न पुछु..
मास्टर - हँ पुछ ने रै चोट्टा !
छौरा - रस्ता में एकटा पैघ नदी परै छै , जाहि में एकटा बड भयानक मगरमच्छ रहै छै उपर सँ कोनो चचरी वा पुलो नै बनल छै ! आब कहु नदी कोना पार करबै!

इहो पढ़ब:-

● अंधराठाढ़ी के कन्दर्पी घाटक पर भेल छल मिथिलाक सबसं बड़का भीषण युद्ध

मास्टर - एकटा नाव ल' अनबै आ पार भ' जेबै !
छैरा - नै भेल...... नै भेल....
एतेक जल्दी आहां के नाव कत' सँ भेटत ! ता धरि त' आहां हेलीयो क' पार भ' सकै छी!

मास्टर - एँ रौ हरीफ, पाइन में जे मगरमच्छ तकरा सँ तोहर बाप फेकना बचेतौ!

छौरा - अहुँ मास्टर सैब कत्ते #बुरबक छी ! हम त' पहिने कहने छलहुँ जे सब जीव जन्तु बानर'क बीयाह में छै! त' मगरमच्छ पाइन में अल्हुआ कोरतै !

बस एतबे में मास्टर सैब हमरा छरपीटा देलैथ!

फेकना - रौ हेहरा नीक भेलौ जे हम मास्टर नै रहियौ ! नै त' ओत्तही कुट्टी कुट्टी काटी दैतियौ!

Tags : # Maithili Joke # Chutakula