मिथिला धरोहर, प्रभाकर मिश्रा : अहि सालके अर्थात 2016 के शुभारंम्भ भेल मैथिली फ़िल्म 'मिथिला मखान' के ट्रेलर सँ जेकरा 1 जनवरी (2016) के युट्यूब पर लॉन्च कैल गेल।
7 जनवरी के मैथिली केर कथाकार और समीक्षक राजमोहन झा केर 87 वर्षक उम्र मे देहांत। हिनका मैथिली कथा ‘आई काल्हि परसू’ के लेल वर्ष 1996 मे साहित्य अकादमी दिल्ली सँ पुरस्कृत कैल गेल छलनी। मैथिली मे हुनक कुल नौ टार
चना अछि।
12 सँ 14 फरवरी धरि पटना के यूथ हॉस्टल मे मैथिली लेखक संघ द्वारा मैथिली लिटरेटर फेस्टिवलक आयोजन।
14 फरवरी के पटना मे विमोचित भेल पहिल मैथिली लप्रेक संग्रह 'प्रेमक टाइमलाइन', कुल 53 टा कथा अछि।
21 फरवरी के आयल अत्याधुनिक मैथिली वीडियो 'नमरी लुच्चा' विकास झा केर निर्देशन मे, गीत-संगीत प्रवेश मल्लिक केर, स्वर प्रेम प्रकाश कर्ण केर।
28 फरवरी के मिथिलालोक संस्था दिस सँ दिल्ली क' आईटीओ स्थित राजेंद्र भवन मे 'पाग बचाउ अभियान' क' औपचारिक शुरुआत, अभिनेता नरेंद्र झा सेहो भेल छलैथ सामिल।
16 मार्च के भारतीय नोट पर मैथिली भाषा मे छपबाक घोसना।
19 मार्च के मैथिली साहित्यक वरीष्ठ साहित्यकार डा सुरेश्वर झा केर निधन।
डा झा के मैथिली मे लिखल हुनकर पुस्तक संघर्ष आ सेहन्ता के लेल वर्ष 2013 के साहित्य अकादेमी पुरस्कार भेटल छलनि।
27 मार्च के दिल्लीक राजेंद्र भवन मे मिथिला स्टूडेंट युनियन मनेलक अपन पहिल स्थापना दिवस।
28 मार्च के भेटल मैथिली फिल्म 'मिथिला मखान' के 63म नेशनल अवॉर्ड, चम्पारण टाकिज बैनरक अधीन एही फ़िल्म के निर्देशित केने छथि नितिन चन्द्रा।
1 सँ 3 अप्रैल धरि झारखंड मिथिला मंच राँची द्वारा 'मिथिला महोत्सव'क आयोजन।
8 मई के मधुबनी सँ पाग बचाऊ मार्च के शुभ आरम्भ।
17, जून के दिन मिथिलांचलक सम्मानक प्रतीक 'पाग' शब्द अर्बन डिक्शनरी मे भेल शामिल।
17 जून के प्रदर्शित भेल मिथिलाक लोक संसकृति पर बनल हिन्दी फिल्म जट-जटिन। बेगुसराय के ए पतंग फिल्मस के बैनरक अधीन बनल एही फिल्म के निर्माता आ लेखक छथि अनिल पंतग।
19 जून के अंतरराष्ट्रीय मैथिली परिषद के 23वां स्थापना दिवस बिष्टुपुर स्थित श्रीकृष्ण सिन्हा संस्थान सभागार मे मनायल गेल।
24 जुलाई के दिल्ली स्थित मावलंकर हॉलमे दीपक फाउन्डेशन आ विश्व मैथिल संघ केर संयुक्त तत्वावधनामे “संस्कृति एवं सभ्यता संरक्षण समारोह” कार्यक्रमक आयोजन।
10 अगस्त के दिल्ली के होटल ली मेरिडियन, मे भेल 'अटल मिथिला सम्मान' समारोहक आयोजन। अश्विनी झा केर संगे उदित नारायण, बिंदेश्वर पाठक, शारदा सिन्हा, डॉ सीपी ठाकुर प्रो. मनोज तिवारी, एनएन झा आदि केर लालकृष्ण आडवाणी हात सँ सम्मानित कैल गेलनि।
21 अगस्त , दिल्लीक कनाट प्लेस स्थित मिथिला चौक पर पिपलेश्वरी काली मन्दिर मे 'मैथिली जिन्दाबाद' पाक्षिक केर विमोचन
18 सितम्बर के साहित्यिकी’ केर 273मा बैसार मधुबनी बिट्ठो गाम मे संपन्न भेल जाहि मे करीब 3 दर्जन मैथिली कवि, कथाकार साहित्यसेवी, अभियानी लोकनिक सहभागिता भेल छला।
27 सितम्बर के मुम्बई मे आयोजित जागरण फिल्म उत्सव मे प्रदर्शित भेल मैथिली फिल्म 'मिथिला मखान'
16 अक्टूबर के मिथिला लोक फाउंडेशन द्वारा दरभंगा मे ‘पाग बचाउ अभियान के शुभारंभ।
19 अक्टूबर के राष्ट्रवादी कवि आ साहित्य अकादमी पुरस्कार सँ पुरस्कृत महान कवि आ प्रसिद्धि गीतकार चन्द्रभानु सिंह केर हुनक अपन गाम नदियामी (दरभंगा) मे देहांत। 94 वर्षीय कवि चन्द्रभानु बाबू के जन्म 1 मार्च 1922 के भेल छलैन। कवि कालिदास द्वारा रचित महाकाव्य “शकुंतला'' के मैथिली मे ओ अनुवाद केने छलथि, ताहिलेल हिनका 2004 मे साहित्य अकादमी पुरस्कार भेटल छलनी।
23 अक्टूबर के मिथिला समन्वय समिति और मिथिला महिला विकास संस्थान द्वारा मुंबई (ठाणे) मे मैथिली वर-वधु परिचय सम्मेलनक आयोजन।
12 सँ 14 नवंबर धरि चेतना समिति द्वारा पटना मे विद्यापति भवन आ सिन्हा लाइब्रेरी परिसर मे आयोजित भेल 63वां विद्यापति स्मृति पर्व समारोह।
20 नवंबर के मैथिली पुस्तक ‘अक्षर पुरुष’ के लोकार्पण पटना म्यूजियम स्थित बिहार रिसर्च सोसाइटी के सभागार मे कैल गेल।
17 दिसम्बर के दरभंगा मे दू दिवसीय मिथिला लोक उत्सव का आयोजन ।
21 दिसम्बर के मैथिली केर चर्चिक कवि और कथाकार श्याम दरिहरे के साल 2016 के साहित्य अकादमी पुरस्कार देबाक घोषणा।
इ पुरस्कार हुनकर कथा संग्रह 'बड़की काका एट हॉटमेल डॉट कॉम' (जाहि मे 18 कहानि अछि) के लेल देल जायत। 1994 मे सेरसों मे भूत कथा संग्रह सेहो लिखने छथि।
22 आ 23 दिसंबर के देवघर मे आयोजित भेल 13वां अंतरराष्ट्रीय मैथिली सम्मेलन।2003 मे मैथिली भाषा के भारतीय संविधानक अष्टम अनुसूची मे शामिल कैल गेलाक बाद सँ प्रत्येक वर्ष अहि कार्यक्रम के आयोजन कैल जाइत अछि।
Tags #mithilanews #maithilinews #16ofMithila
कोई टिप्पणी नहीं:
एक टिप्पणी भेजें
अपन रचनात्मक सुझाव निक या बेजाय जरुर लिखू !