मिथिला धरोहर : Mithila Makhan,  Makhana Food -  मखानक खेती के उचित प्रश्रय भेटय तऽ कोसी के किसानक लेल इ वरदान साबित भऽ सकैत अछि। पोखैर, तालाब आ दलदली क्षेत्रक शांत पैइन में उगय वला मखान पोषक तत्व सँ भरपुर एकटा जलीय उत्पाद अछि। मखान मे 9.7% आसानी सँ पचयवला प्रोटीन, 76% कार्बोहाईड्रेट, 12.8% नमी, 0.1% वसा, 0.5% खनिज लवण, 0.9% फॉस्फोरस आ प्रति १०० ग्राम 1.4 मिलीग्राम लौह पदार्थ मौजूद होइत अछि।

मखानक उत्पादन

मिथिलांचलक दरभंगा, मधुबनी, समस्तीपुर, सहरसा, सुपौल, सीतामढी, पूर्णिया, कटिहार आदि जिला मे मखानक सार्वाधिक उत्पादन होइत अछि। मखान के कुल उत्पादन का 88% बिहार मे होइत अछि, या एना कही जे मिथिलांचल मे होइत अछि।

औषधीय गुण

मखान आर्गेनिक हर्बल सेहो कहल जाइत अछि। जीर्ण, अतिसार, ल्यूकोरिया, शुक्राणु के कमी आदि मे इ उपयोगी अछि। इ एन्टीऑक्सीडेंट गुण सँ भरपूर अछि। तहिलेल श्वसनतंत्र, मूत्राशय एवं जननतंत्र सँ संबंधित बीमारि मे इ लाभप्रद होइत छै। मखानक नियमित सेवन केला सँ ब्लड प्रेसर, कमर और ठेहुनक दर्द के नियंत्रित होइत छै। प्रसवपूर्व एवं जनेना मे आयल कमजोरी के दूर करबाक लेल दूध मे पका कऽ देल जाइत अछि।

मधुबनी : आब जल्दीए श्रीलंका के राजधानी कोलंबो मे सेहो मधुबनी पेंटिंग के परचम लहरायत। भारत सरकार के शिल्प कला संस्थान द्वारा पूरा देश सँ विभिन्न विद्या कऽ कलाकार के कोलंबो भेजल जा रहल अछि। जाहिमे बिहार सँ मिथिला पेंटिंगक क्षेत्र में प्रतिनिधित्व सेहो कैल जायत। इ प्रतिनिधित्व जितवारपुरक युवा कलाकार रेमंत कुमार मिश्रा करताह। हुनका सुंदर मिथिला पेंटिंगक लेल केंद्र सरकार द्वारा चयन कैल गेल छनि।

रेंमत कुमार मिश्रा कहै छथि जे हम 10 वर्षक उम्र सँ अहि कला मे जुड़ गेल छलहुँ। 1995 में पहिल बेर सीसीआरटी छात्रवृत्ति के लेल चुनल गेल छल। ओकर बाद 2014 में राज्य पुरस्कारक लेल बिहार सरकार द्वारा चयन कैल गेल। ओतहि गोआ में बेहतर कला कृति के लऽ कऽ  सांस्कृतिक कला परिषद गोआ द्वारा ताम्रपत्र सँ सम्मानित कैल गेल।

श्री मिश्रा बतेलखिन जे हम जेखन छोट छलहुँ ताहि समय अपन दादी राज्य पुरस्कार प्राप्त स्व. मुनेश्वरी देवी केर पेंटिंग करैत देखैत छलहुँ। ओहिये समय मे पेंटिंग के कूची पकड़नाय शुरू कऽ देलहुँ। दादी के देहांतक उपरांत चाची पद्मश्री सीता देवी सँ कलाकारीक विशेष बात सीखलहुँ। तऽ धरि सँ एखन धैर बहुते शहर में पेंटिंगक प्रदर्शनी में भाग लऽ चुकल छि। श्री मिश्रा अहि सँ पूर्व दु बेरा चायना, एक बेरा हांगकांग सेहो जा चुकल छथि। ओतहि जेएनयू में मिथिला पेंटिंग पर कार्यशाला में भाग लेने छलथि। जेखनकि गुजरात के बरौदा विश्वविद्यालय में मधुबनी पेंटिंग पर सेमिनारक आयोजन भेल छल जाहिमे हिनका ओहिक नेतृत्व करबाक मौका भेटल छल।

सोर्स : प्रभात खबर