बड़ी - भात मिथिला मे एकटा प्रसिद्ध व्यंजन अछि। इ व्यंजन जुड़शीतल पावनिक अवसर पर प्रायः सब मैथिल परिवार मे बनैल जाइत छैक। मिथिला में भोजक अवसर पर सेहो इ व्यंजनक रूप में दही दै सँ पहिले परसल जाइत छैक।
सामग्री : बड़ी (पकौड़ा) लेल
१ कप बेसन
१/२ छोटका चम्मच बेकिंग पॉउडर
१/२ छोटाका चम्मच गरम मसल्ला
१/२ छोटाका चम्मच जीर
चुटकी भैर हींग
१/४ छोटाका चम्मच नून (नमक)
१ कप पैइन
कढी (रस) लेल
३ कप पैइन
१/२ कप बेसन
१ कप दही
१/४ छोटाका चम्मच हरैद
१ छोटाका चम्मच निमक
१ छोटाका चम्मच जीर पाउडर
१ छोटाका चम्मच धनियाँ पाउडर
१/२ छोटाका चम्मच मिर्च पाउडर
छौंकय लेल
१ बड़ाका चम्मच तेल
१/४ छोटाका चम्मच जीर
चुटकी भैर हींग
२-३ तैर पत्ता
२-३ सुखल लाल मिर्ची
इहो पढ़ब :-
बिधि : पहिल स्टेप
बड़ी (पकौड़ा) के सबटा सामग्री के मिलाबू, संगे धीरे धीरे पैइन दैत जाउ जाहिसँ गाढ़ मुलायम पेस्ट बैन सकै। लगभग ५ मिनट धैर नीक जंका फेंटू जाबे तक हल्का नै भ जाय। बर्तन मे आब तेल गर्म क, बड़ी के घोल क थोड़ थोड़ ल'के ओकरा छानी लिअ।
दोसर स्टेप
अब एकटा गंहिर बर्तन मे २ कप पैइन ल के रसक (कढ़ी) सामग्री के नीक जंका मिलाबू।आब ओकरा ६ मिनट धरि तेज आँच पर पकाबु, बीच मे एकरा एक बेरा हिलाबु आ तुरंते बड़ीक पकौड़ा द और ओकरा सेहो ५ मिनट धरि पकाबु।
इहो पढ़ब :-
तेसर स्टेप
छौंकय के लेल गरम तेल मे जीर, हींग, सुखल लाल मिर्ची, तैर पत्ता डालू। ओकरा लाल होमय दियौ। आब कढ़ीक ऊपर द दियौ। अंत मे हरीयरका धनियाँ पत्ता द दियौ। आब एकरा भातक संगे परोसु।
Tags : # BADI BHAAT
कोई टिप्पणी नहीं:
एक टिप्पणी भेजें
अपन रचनात्मक सुझाव निक या बेजाय जरुर लिखू !