मिथिला धरोहर : मूलतः मधुबनी जिला अंतर्गत बेनीपट्टी अनुमंडल केँ सिमरी ( Benipatti, Simri ) (भोजपरौल) गामक निवासी मिथिलाक सुप्रसिद्ध गायक विकाश झा के मिथिलांचल केर बूढ़, जुआन बच्चा मने सभ वर्गक लोक हिनक आवाज के प्रशंसक छथि।
विकाश झा 1994 ई॰ में दिल्ली आबि गेलैथ नोकरी चाकरी स’ समय भेटैन त’ स्टेज सब पर गीत सेहो गबैत छलैथ। किछु दिनक बाद हिनक विवाह भ गेलनि, हिनकर पत्नी के संगीत में बेसी अभिरुचि देखेलनी आ ओ हिनका एहि क्षेत्र में प्रोफेशनल बनि उतरबाक आग्रह केलनि आ संगे-संग हिनका वास्ते गीत सब सेहो लिखय लगली, तें गीतकारक रूप में “रानी विकास” के नाम स’ सेहो देखने हेबनि ।
जहन ई ठनला जे व्यावसायिक रूपे गायकी के अपनाबी त’ हिनका चांस सेहो खूब भेटय लगलनि आ ओही क्रम में 1997 ईo मैथिली के चर्चित गायक मिथिलारत्न कुंजबिहारी मिश्र जीक संपर्क में एला आ हिनका संगे कतौ कतौ प्रोग्राम सब में ल’ जाए आबय लगला।
इहो पढ़ब:-
हिनकर पहिल एलबम 1999 में आयल परदेशी भ’ गेलौं” नाम स जे नीलम कैसेट स’ रिकॉड भेल छल। बाद में बनारस घरानाक चंद्रभाल मिश्रा जी, मिथिलेश सिंह जी आदि गुरु सभ स सेहो सिखबाक अवसर भेटलनि
एक दिना विकाश जी मैथिली गीतक रेकोर्डिंग करैत रहथी त’ एक गोट हरियाणवी फिल्मक निर्देशक दिनेश कौशिक कें हिनका आवाज में उदित नारायण जीक झलक बुझेलनि आ हिनका ऑफर केलनि आ फिल्म “दुश्मनी की आग” में गीत गेबाक अवसर देलनि तकरा बाद हरियाणवी फिल्म-बारह बीघा ज़मीन, गोली, पगड़ी आदि मे सेहो गेबाक अवसर भेटलनि ।
ओही क्रम में हिन्दी फिल्म आ विज्ञापन जगत स जुड़ल किछु निर्माता लोकनि संपर्क में एला आ अवसर देलनि जेना कि हिनकर गाओल जिंगल-सोनालिका ट्रेक्टर वास्ते , भारत सरकार द्वारा अल्पसंख्यक आयोग वास्ते , केन्द्रीय भंडारण निगम वास्ते , शिक्षा मंत्रालय वास्ते, जल संसाधन मंत्रालय वास्ते, स्वरोजगार योजना वास्ते, इंडियन ऑयल वास्ते , दूरदर्शन पर प्रसारित सीरियल “कोंपल” के टाइटल सॉन्ग , ज़ी टीवी पर प्रसारित होमय बला सीरियल “हम लेंगे जनम दोबारा” के टाइटल सॉन्ग, हिन्दी फिल्म “लव इन टेंशन” में बतौर संगीत निर्देशक आ गायक आदि के रूप में अवसर भेटलनि।
आइ विकाश झा मैथिलि गीत संगीतक क्षेत्र कऽ चर्चित चेहरा छथि संगे-संग भोजपुरी, नेपाली, हिंदी संगे न भाखामे दर्जनों एलबम गाबी चुकल छथि। विकाश झा एखन धरि सौतिनक बेटी, हाफ मर्डर, सेनुरक मोल अनमोल, प्रेम प्रतिज्ञा, राधा संग मोहन, सजन घर जेबै कोना आदि मैथिली फिल्मक वास्ते अपन स्वर दऽ चुकल छैथ।
इहो पढ़ब:-
फ़िल्म में अभिनय करबाक बात करी त भोजपुरी फ़िल्म पैसा नाच नचबेला , मैथिली फ़िल्म 'मीत हमर जन्म जन्म के' आ आ 'लव यू दुलहिन' आ 'मैथिली' में अभिनेताक किरदारक निभा चुकल छथि।
कोई टिप्पणी नहीं:
एक टिप्पणी भेजें
अपन रचनात्मक सुझाव निक या बेजाय जरुर लिखू !