समस्तीपुर जिलाक काशीपुर निवासी स्व. विजय कुमार सिन्हा आ श्रीमती इंदू सिंहा केर बेटी भारती दयाल ( Bharti Dayal, Mithila Painting Artist ) मिथिला पेंटिग के क्षेत्र मे अपना बुते नै केवल अपन जिलाक बल्कि सगरो मिथिलाक नाम राष्ट्रीय स्तर पर रौशन केलथि। मिथिला पेंटिंग के क्षेत्र मे पूरा देश मे नाम कमा रहली मिथिलाक अहि बेटी भारती दयाल के राष्ट्रपति सम्मान सेहो भेट चुकल छनि।
अपन घरक देबाल पर पावैन-तिहारक अवसर पर बनाओल जाय बला चित्रकारी सं ओ एतेक प्रेरित भ गेलथि जे अहि कला के अपन कैरियर बना लेलथी।
वर्ष 2006 मे भारतक तत्कालीन राष्ट्रपति प्रतिभा देवी सिंह पाटिल भारती के मिथिला पेंटिंग के क्षेत्र मे उत्कृष्ट योगदान के लेल सम्मानित केने छलथि संगेह दिल्ली सरकार सेहो हिनका मिथिला पेंटिंग के लेल सम्मानित केने छल। भारती जतए जाइत छथि मिथिलाक संस्कृति के बढ़ाबा देबाक लेल अहि सं जुड़बाक लेल लोग के प्रेरित करैथ छथि। एखन धरि दस सं बेसी देश मे अपन पेंटिंग के प्रदर्शनी लगा चुकल छथि। भारती दयाल के केंद्रीय मंत्री स्मृति ईरानी के संग सितम्बर 2016 मे कल्चरल एम्बेसडर बैन के जेबाक सौभाग्य प्राप्त भेलनि।
🙏🙏
जवाब देंहटाएं