डर लगैए हे डेराओन लगैए - 2
गौरी हम नहि जायब तोरा अंगना, भयाओन लगैए - 3
हे अजगर के खम्हा पर धामिन के बरेड़िया
गहुमन के कोरो फुफकार मारइए,
गौरी हम नहि जायब तोरा अंगना, भयाओन लगैए
कड़ैत के बत्ती पर सांखड़ के बन्हनमा
बिढ़नी के खोता घनघन करइए,
गौरी हम नहि जायब तोरा अंगना, भयाओन लगैए
सुगबा के पाढ़ि पर ढ़ोरबा के ढोलनमा
पनिया के जीभ हनहन करइए,
गौरी हम नहि जायब तोरा अंगना, भयाओन लगैए
ताहि घरमे बइसल छथि अपने महादेव
बिछुआ के कुण्डल सनसन करइए,
गौरी हम नहि जायब तोरा अंगना, भयाओन लगैए
कोई टिप्पणी नहीं:
एक टिप्पणी भेजें
अपन रचनात्मक सुझाव निक या बेजाय जरुर लिखू !