मैथिली पारम्परिक चैतावर (चैती) गीत
सीया के संग मन हारि हो रामा
राम रमत बगिया मे
वन उपवन सभ हरित भेल
हरित पल्लव दुनू डरिया हो रामा
राम रमत बगिया मे
बेलि-चमेली जूही फुलायल
कुंजनमे फूलय अड़हुलिया हो रामा
राम रमत बगिया मे
केओ सखि लोढ़य बेली चमेली
केओ सखि हार गंथाबे हो रामा
राम रमत बगिया मे
हार गांथिय सीया राम पहिराओल
सीताराम जिया हरसाबे हो रामा
राम रमत बगिया मे
कोई टिप्पणी नहीं:
एक टिप्पणी भेजें
अपन रचनात्मक सुझाव निक या बेजाय जरुर लिखू !