दुभिया भोजन करू सामा हे चकेबा लिरिक्स - सामा चकेवा लोकगीत

Dubhiya Bhojan Karu Sama He Chakeba

दुभिया भोजन करू सामा हे चकेबा

लागि गेल पान केर दोकान

गे माइ सेहो पान खयलनि भइया से फल्लां भइया

रंगि गेल बत्तीसो मुख दाँत

गे माइ दुभिया भोजन करू सामा हे चकेबा

लागि गेल सिनूरक दोकान

गे माइ सेहो सिनूर पहिरथु भउजो से ऐहब भउजो

जुगे - जुगे बढ़नु अहिबात

गे माइ दुभिया भोजन करू सामा हे चकेबा

लागि गेल टिकुली केर दोकान

गे माइ सेहो टिकुली पहिरथु बहिनो से फलां बहिनो

झलकैत जाथु ससुरारि

गे माइ झलकैत जाथु ससुरारि

इहो पढ़ब :-

●  दोसर मैथिली सामा चकेवा गीत लिरिक्स

● मिथिलाक लोग पर्व सामा चकेबा के कहानी