सन 1999 मे प्रदर्शित भेल मैथिली सिनेमा ‛सस्ता जिनगी महग सेनुर’ के अपार सफलता इ साबित केलक जे पटकथा अगर नीक होय तऽ मिथिला मे बनल क्षेत्रीय आ भाषाई फिल्मो सेहो सफल भऽ सकैत अछि।
दहेज-उत्पीड़न पर बनल एहि फिल्म मे मुख्य अभिनेता ललितेश झा, स्वाति आंनद, राजीव सिंह छलथि जहनकि मुरलीधर, मोना, विनीत कुमार झा ,बालकृष्ण झा, ललन सिंह, सुरेश आनंद, मार्शा, आभा, प्रेमलता मिश्र अहम भूमिका मे छलैथ।
फिल्मक सबटा आठो गीत के शशिकांत चौधरी, अभिराज और मुरलीधर लिखने छलथि। फिल्मक सबटा गीत टुन स्टूडियो मुम्बई मे रिकॉर्ड भेल छल। संगीतकार मुरलीधर छलथि। पार्श्व गायक उदित नारायण झा, साधना सरगम, दीपा नारायण झा, मोहम्मद अजीज, सुरेश वाडेकर, राजेश झा आ मुरलीधर फिल्मक आठ गीत के स्वरबद्ध केलनि।
‛कनि हंसियौ नै सजनी गुलाब कहै येय’ के पार्श्व गायक उदित नारायण झा, दीपा नारायण झा गेलथि। ‛गे छौरी नाच नाच’ के मोहम्मद अजीज आ दीपा नारायण झा, ‛मुर्गा कहै छै कूँक रु कूं के दीपा नारायण झा, ‛तीर चला क नैना कोर सं’ के साधना सरगम, ‛सस्ता जिनगी महग सेनुर’ आ ‛पछिया उड़ाक ले गेलै बुच्ची सिमर के रुइया’ के मुरलीधर स्वर देलथि।
अहि फिल्मक एकटा होली के एक गीत ‛चटकदार चोली चुनर रंग लाल’ के ललितेश झा, राजेश झा, सुरेश आनन्द आ मुरलीधर संगे गेने छलथि। खास गप्प इ अछि जे एहि गीतक शूटिंग होली के दिन निर्माता बालकृष्ण झाक गांव बलिया (मधुबनी) मे भेल छल।
इहो पढ़ब :-
फिल्म मे कृष्णकांत (कृष्णा) के किरदार भोजपुरी, मैथिली आ गुजराती फिल्मक अभिनेता ललितेश झा निभेने छलथि। जहनकि कृष्णा के प्रेमिका राधा के भूमिका उज्जैन, मध्य प्रदेश के स्वाति आनंद निभेलथि। हिनका अहाँ मशहूर टीवी सीरियल ‛कुमकुम भाग्य’ (मिताली भाभी के रोल) 'पवित्र रिश्ता' आ ‛नागिन’ आदि मे देखने हेबनी।
खलनायक गजराज के भूमिका मे राजीव सिंह छलथी, फिल्म मे हिनकर इ किरदार लोक के बड़ पसन्द आयल छल। कृष्णा के बहिन चंदा के किरदार मोना निभेलनी जहनकि पण्डित नागेन्द्रनाथ के रोल लल्लन सिंह केने छलथि। अमरनाथ के भूमिका मुरलीधर निभेलथि, संटूआ के किरदार मे रोमी ठाकुर छल ओतय मार्शा संटूआ प्रेमिका टुनिया रोल मे छली।
इहो पढ़ब :-
निर्माता बालकृष्ण झा बलदेव के भूमिका निभेलथि, बलदेव के पत्नी ‛सरसों वाली’ के किरदार अनुराधा आ हुनकर मां के भूमिका रूबी अरुण निभेने छलथि।
छोट भूमिका मे विनीत झा शैतान सिंह, सुरेश आनन्द रंकुलाल, प्रेमलता मिश्र गजराज के मां, कल्पना झा राधा के काकी, बसंत कुमार राधा के काका, बिंदी चौधरी टुनिया के बापक भूमिका मे छलथि।
अहि फिल्मक निर्माण हेबा मे असली समस्या छल निवेश करबाक। पार्टनरशिप के तहत 51% बालकृष्ण झा आ 49% निवेश पर मुरलीधर के सहमति बनलनी। अहि फिल्म शूटिंग नेहरा गांव मे भेल छल।
इहो पढ़ब :-
फिल्म ‛सस्ता जिनगी महग सेनुर’ के हिट हेबाक पाछु स्क्रिप्ट के विशेष योगदान छल, चूंकि कहानी दहेज आ महिला उत्पीड़न पर आधारित छल तैं दर्शक कहानी आ फिल्मक किरदार सं भावनात्मक जुड़ाव महसूस केलक। ओहि दौर मे क्षेत्रीय भाषा मे बनल कमे फिल्म छल जे बिहारक सिनेमाघर मे सौ-सौ दिन चलल होय, ‛सस्ता जिनगी महग सेनुर’ सफलता मैथिली सिनेमाक बहुते प्रोत्साहित केने छल।
कोई टिप्पणी नहीं:
एक टिप्पणी भेजें
अपन रचनात्मक सुझाव निक या बेजाय जरुर लिखू !