सोना के डाला लय चलली सोआसिन हे परीछू सखी
कय लेल सोलह शृंगार हे परीछू सखी
कओने नगरियासँ एलै बरिअतिया हे परीछू सखी
कओने नगरिया भेलै शोर हे परीछू सखी
अवध नगरियासँ एलै बरिअतिया हे परीछू सखी
जनक नगरिया भेलै शोर हे परीछू सखी
एहन बरिअतिया हम कतहू ने देखल हे परीछू सखी
देखिते लागय तोहाओन हे परीछू सखी
ब्रह्मा ओ विष्णु मिलि अयला बरिअतिया हे परीछू सखी
बाजन बाजे घनघोर हे परीछू सखी
दस-पाँच सखी मिलि परिछन चलली हे परीछू सखी
पहिरन लहंगा - पटोर हे परीछू सखी
कोई टिप्पणी नहीं:
एक टिप्पणी भेजें
अपन रचनात्मक सुझाव निक या बेजाय जरुर लिखू !