१. घर पछुअरबामे - Maithili Barati Geet Lyrics
घर पछुअरबामे लौंग केर गछियाताहि तर फल्लां दुलहा ठाढ़ हे
केओ अरेखनि केओ परेखनि
केओ पुछनि निज बात हे
माय अरेखनि बाबू परेखनि
काका पुछनि निज बात हे
किए तोरा आहे बाबू बाजन थोर भेल
किए भेल कम बरिआत हे
नहि मोरा आहे काका बाजन थोर भेल
नहि मोरा कम बरिआत हे
गंगाक ओहि पार बसथि बहिनियाँ
बहिनि के दीअ ने मंगाय हे
अओतीह बहिनियाँ छेकती मोर छुअरिया
पूरि जायत मन-अभिलास हे ....
२. दशरथ नन्दन चलला हे Lyrics
दशरथ नन्दन चलला विवाह हेशुभ बाजन बाजे
बिसरि लेल संग साथ हे
शुभ बाजन बाजे
सेहो सुनि सीता दाइ चढ़ली झरोखा हे
शुभ बाजन बाजे
मोटे धनुष पातर श्रीराम हे
शुभ बाजन बाजे
सेहो कोना धनुषा उठाइ हे
शुभ बाजन बाजे
तोड़ल धनुषा चहुदिस फेकल
मेदिनी उठल घहराइ हे
शुभ बाजन बाजे
भेल विवाह पड़ल सिंउथ सिनुर
सिया लेल अंगुरी धराइ हे
शुभ बाजन बाजे
३. कौने बाबा साजल आजान बाजन Lyrics
कौने बाबा साजल आजन बाजनकौने बाबा साजू बरिआत हे
कौने बाबा साजथु हरिअर सुगबा
सुगा लए जायब बरिआत हे
बड़का बाबा साजल आजन बाजन
मझिला बाबा साजू बरिआत हे
छोटका बाबा साजथु हरिअर सुगा
सूगा लए जायब बरिआत हे
कहमा बैसायब बरिआत हे
कसहमा बैसाब हरिअर सूगा
सूगा लए आयब बरिआत हे
पोखरि बैसायब आजन बाजन
दुअरे बैसायब बरिआत हे
पिंजड़े बैसायब हरिअर सूगा
सूगा लए जायब बरिआत हे
कथी लए बुझायब आजन बाजन
कथी लए बुझायब बरिआत हे
कथी लए बुझायब हरियर सूगा
सूगा कथी लए बुझायब जमाइ हे
टारा लए बुझायब आजन-बाजन
धोती लए बुझायब बरिआत हे
फल लए बुझायब हरियर सूगा
बेटी लए बुझायब जमाई हे
एहन जमइया कतहु ने देखल
सूगा लए आयल बरिआत हे
४. कौने नगर के एहो सुंदर बाराती Lyrics
कौने नगर के इहो सुन्दर बरिअतियाहे दुलहा बड़ सुन्दर
कौने नगर ब्याहन जाइ
हे दुलहा बड़ सुन्दर
अवध नगर के इहो सुन्दर बरिअतिया
हे दुलहा बड़ सुन्दर
जनकपुर नगर ब्याहन जाइ
हे दुलहा बड़ सुन्दर
किनकर पुत्र छनि इहो चारू बालक
हे दुलहा बड़ सुन्दर
आहे किनकर छनि जमाइ
हे दुलहा बड़ सुन्दर
राजा दशरथ केर इहो चारू बालक
हे दुलहा बड़ सुन्दर
जनक ऋषि केर छथिन जमाइ
हे दुलहा बड़ सुन्दर
५. कौने बाबा पोखरी मे Lyrics
कौने बाबा पोखरी मे इचना मछरियाकौने बाबा पोखरी सेमार हे
कौने बाबा पोखरी चेल्हबा मछरिया
कौने दुलहा फेकू महाजाल हे
बड़का बाबा पोखरिमे इचना मछरिया
मझिला बाबा पोखरि सेमार हे
छोटका बाबा पोखरि मे चेल्हबा मछरिया
कृष्णचन्द्र दुल्हा फेकू महाजाल हे
माछ मारिय दुल्हा सासुर पठौलनि
कनियां सुहबे के बढू अहिबात हे
६. जहिया सँ आहे बाबू Lyrics
जहिया सँ आहे बाबू तोरो उतपन भेलमांगुर मांछ ने सोहाय हे
मांगुर माछ बाबू मनहू ने भाबय
दूध तँ राखल परान हे
अपने तऽ जाइछऽ गउरी गवना करऽ
लिखि दैह दूधके करार हे
दूध के करार लिखलो जाइ छै
धनी होयती चेरिया तोहार हे
जाबे तऽ आहे अम्मा तहूँ जीबह
कमर उधब तोहार हे
७. मलिया जे सूतल कोठापर Lyrics
मलिया जे सूतल कोठापरमालिन बेटी सूतू दरबार हे
दौड़ल जाथिन दुलहा से फल्लां दुलहा
मौड़ी देहु जायब बरिआत हे
आरसी मीड़िया उड़ेहिए मालिन बेटी
झलकैत जायत ससुरारि
आरसी मोड़िया कहियो ने उरेहल
कोनाकऽ देब बनाय हे
काते काते दिहे मालिन हीरा ओ मोती
बीचे-बीचे सिया सुकुमारि हे
एते दिन बुझै छलौं राजाजी के बेटबा
आइ बुलझल दशरथ के लाल हे
८. कौने बाबा अंगना गुलाब Lyrics
कौने बाबा अंगना गुलाब केर गछियाकौने बाबा अगना अनार हे
कौने बाबा पुत्र के जायत बरिअतिया
कौने देश जायत बरिआत हे
फल्लां बाबा अंगना गुलाब केर गछिया
फल्लां बाबा अंगना अनार हे
फल्लां बाबाक पुत्रक जायत बरिअतिया
दूर देश जायत बरिआत हे
सभ बरिअतिया के लाले रंग धोतिया
सभक रांगल सिर पाग हे
फल्लां दुलहाकेँ घूनसि पाग शोभनि
वएह थिका नबका जमाय हे
९. गाम के पछिम एक कुइया Lyrics
गाम केँ पछिम एक कुइयां खुनाएलताहि तट दाड़िम केर गाछ हे
ताहि दाड़िम चढ़ि सुगा एक बइसल
दाड़िम चुनि चुनि खाय हे
काँच दाड़ि मजुनि खइहैं सुगबा
पाकल खइहैं मधुर हे
केये तोरा आहे सुगा पोसल-पालल
केये तोरा कएल प्रतिपाल हे
माय जे आहे सासू पोसल-पालल
बाबू कएल प्रतिपाल हे
पिउसी जे आहे सासु ठोर उरेहल
फल्लां बाबा साजू बरिआत हे
१०. कौने बाबा साजल हाथी Lyrics
कौने बाबा साजल हाथी हथबरबाकोने बाबा बरद ओ गाय हे
कौने बाबा साजल बसहा बरदबा
दुलहा चढ़ि जयता ससुरारि हे
बड़का बाबा साजथु हाथी हथबरबा
मझिला बाबा बरद ओ गाय हे
छोटका बाबा साजथु बसहा बरदिया
कृष्णचन्द्र दुलहा चढ़ि जयता ससुरारि हे
सखि सब देखथि हाथी हथबरबा
कनियां के माय निरेखथि जमाइ हे
एहन जमइया हम कतहु ने देखल
बसहा चढ़ि आयल ससुरारि हे
११. मालिन सूतय सात पुत्र Lyrics
मालिन सूतय सात पुत्र धए घरमाली सुतय फुलवारी हे
उठबय गेलथिन अपने दुलरूआ
उठू मालिन भए गेल परात हे
कौने उचित तोरा थिकह हे बाबू
भल निन्द देलह जगाय हे
हमरो घर मालिन हमरो विवाह थिक
माला सुन्दर एक गूथि दैह हे
तेहन माला गूथिहैं गे मालिन
जाइते होयत विवाह हे
आंगने देखतइ माय बहिनियाँ
बाटे देखत बरिआत हे
सासुर देखत सासु सोहागिन
कोबरे होयत आनन्द हे
इहो पढ़ब :-
● कनियाँ मनाइब के गीत
घरघर पड़ल हकार हे
किनिकर बगिया एतेक दल उभरल
के साजल बरिआत हे
समधिक बगिया एतेक दल उभरल
बाबा साजल बरिआत हे
जब बरिअतिया नगर सँओ बहार भेल
नउआ घोड़ा नेने ठाढ़ हे
देबउ रे नउआ सोना के घोड़बा
गउरी गवन हम जायब हे
जब बरिअतिया दरबज्जा बिचे आयल
चेरिया कलश नेने ठाढ़ि हे
देबउ गे चेरिया सोना के गेरूलिया
जखन कोबर घर जायब हे
पिताजी के नाम कहू वर सुन्दर
तखन कोबर घर जायब हे
पिताजी के नाम राजा दशरथजी
माय कौशल्या रानी हे
हुनको सींथ सिनूर बड़ शोभय
चेरिया चौड़ डोलाय हे
जबे बरिअतिया कोबर बीच आयल
सारि छेकल दुआरि हे
अपन बहिन बहिनोइया हमरो दय दीअ
तखन कोबर घर जायब हे
हमरो के कुल बहिन नहि जनमल
राम लखन दुइ भाइ हे
सेहो जे भाई संगे चलि आयल
सरहोजि मांगय इनाम हे
पाटन भए गेल शोर हे
कौने बाबा के घोड़बा आगू पाछू धाबय
किनकर घोड़ा अगुआयल हे
किनकर छतबा कमलपत्र छाड़ल
किनकर होयत गओना हे
बाबा के घोड़बा आगू पाछू धाबय
बड़का बाबाक घोड़बा अगुआयल हे
बहिनोइया के छतबा कमलपत्र छाड़ल
कृष्णचन्द्र दुलहा के होयत गओना हे
जब बरिअतिया नगर सौं बहार भेल
सभ मिलि बाजु जय जयकार हे
धन अहाँक पिता ओ धन अहाँक माय
जिनका कोखि लेल अवतार हे
दहक सजा बरिआत हे
किये मध्य राम किये मध्य लछुमन
किये मध्य राम किये मध्य लछुमन
किये मध्य भरतहि लाल हे
घोड़ा मध्य राम हाथी मध्य लछुमन
ऊँट मध्य भरतहि लाल हे
सोने छाड़ल छनि रामजी के घोड़बा
रूपे साजल लगाम हे
सभ बरिअतिया जनकपुर पहुँचल
लागल जनकजी दुआरि हे
अंगना बहारिते तोहें चेरिया खेलरिया
मोरा आगू सीता बखानु हे
हम कोना सीता बखानु राजा दशरथ
सीता बखानलहुँ ने जाय हे
सीता के सुरति देखि सुनि छपित होइ
रामहि रहला लोभाय हे
पालकी शोभय लाले लाल हे
पालकी के खुटरी धेने
ठाढ़ भेल बाबा सँ फल्लां बाबा
तिल एक डोली बिलमाउ हे
डोलि हम कोना बिलमायब यो बाबा
कनियां सुहबे के लगन अगुआयल हे
केशिया बन्हबइत हेती बटिया तकैत हेती
कखन आयत बरिआत हे
सब बरिअतिया के लाले लाल धोतिया
सभ के मुख पाकल पान हे
१२. पानक जड़िया सँ निकलल Lyrics
पानक जड़िया सँ निकलल बिड़ियाघरघर पड़ल हकार हे
किनिकर बगिया एतेक दल उभरल
के साजल बरिआत हे
समधिक बगिया एतेक दल उभरल
बाबा साजल बरिआत हे
जब बरिअतिया नगर सँओ बहार भेल
नउआ घोड़ा नेने ठाढ़ हे
देबउ रे नउआ सोना के घोड़बा
गउरी गवन हम जायब हे
जब बरिअतिया दरबज्जा बिचे आयल
चेरिया कलश नेने ठाढ़ि हे
देबउ गे चेरिया सोना के गेरूलिया
जखन कोबर घर जायब हे
पिताजी के नाम कहू वर सुन्दर
तखन कोबर घर जायब हे
पिताजी के नाम राजा दशरथजी
माय कौशल्या रानी हे
हुनको सींथ सिनूर बड़ शोभय
चेरिया चौड़ डोलाय हे
जबे बरिअतिया कोबर बीच आयल
सारि छेकल दुआरि हे
अपन बहिन बहिनोइया हमरो दय दीअ
तखन कोबर घर जायब हे
हमरो के कुल बहिन नहि जनमल
राम लखन दुइ भाइ हे
सेहो जे भाई संगे चलि आयल
सरहोजि मांगय इनाम हे
१३. परबत ऊपर मेघ गरजि गेल Lyrics
परबत ऊपर मेघ गरजि गेलपाटन भए गेल शोर हे
कौने बाबा के घोड़बा आगू पाछू धाबय
किनकर घोड़ा अगुआयल हे
किनकर छतबा कमलपत्र छाड़ल
किनकर होयत गओना हे
बाबा के घोड़बा आगू पाछू धाबय
बड़का बाबाक घोड़बा अगुआयल हे
बहिनोइया के छतबा कमलपत्र छाड़ल
कृष्णचन्द्र दुलहा के होयत गओना हे
जब बरिअतिया नगर सौं बहार भेल
सभ मिलि बाजु जय जयकार हे
धन अहाँक पिता ओ धन अहाँक माय
जिनका कोखि लेल अवतार हे
१४. लिखहक पत्र बाबा Lyrics
लिखहक पत्र बाबा भेजहक जनकपुरदहक सजा बरिआत हे
किये मध्य राम किये मध्य लछुमन
किये मध्य राम किये मध्य लछुमन
किये मध्य भरतहि लाल हे
घोड़ा मध्य राम हाथी मध्य लछुमन
ऊँट मध्य भरतहि लाल हे
सोने छाड़ल छनि रामजी के घोड़बा
रूपे साजल लगाम हे
सभ बरिअतिया जनकपुर पहुँचल
लागल जनकजी दुआरि हे
अंगना बहारिते तोहें चेरिया खेलरिया
मोरा आगू सीता बखानु हे
हम कोना सीता बखानु राजा दशरथ
सीता बखानलहुँ ने जाय हे
सीता के सुरति देखि सुनि छपित होइ
रामहि रहला लोभाय हे
१५. फ़ल्लापुर सौं आयल पालकी Lyrics
फ़ल्लापुर सौं आयल पालकीपालकी शोभय लाले लाल हे
पालकी के खुटरी धेने
ठाढ़ भेल बाबा सँ फल्लां बाबा
तिल एक डोली बिलमाउ हे
डोलि हम कोना बिलमायब यो बाबा
कनियां सुहबे के लगन अगुआयल हे
केशिया बन्हबइत हेती बटिया तकैत हेती
कखन आयत बरिआत हे
सब बरिअतिया के लाले लाल धोतिया
सभ के मुख पाकल पान हे
कोई टिप्पणी नहीं:
एक टिप्पणी भेजें
अपन रचनात्मक सुझाव निक या बेजाय जरुर लिखू !