कक्का अर्थात यात्री जी (नागार्जुन) के कहय पर पटना आबि गेलथि । प्रेमलता जी आकाशवाणी लेल सेहो काज केलथि। 1964-65 में रंगकर्मीके सम्पर्क में अबितेहि चेतना समिति आदि बहुत रासे नाट्य संस्था सं जुड़ि गेलथि। तकर उपरांत हिनक रंगयात्रा चलिते रहलनि। हिनक प्रारंभिक  रंगमंचीय जीनगी में 'टुटैत लोक', 'लेटायत आंचर' आदि में हिनक अभिनय के बड्ड प्रशंसा भेटलनी।

1981 में मैथिलीक पहिल फ़िल्म “ ममता गाबय गीत” में विधवा भाऊजक भूमिका केलथि। प्रेमलता जी 'दामूल', 'कन्यादान' फिल्म में काज केलाक उपरांत भोजपुरी में पहिल फिल्म 'दूल्हा गंगा पार के' आ फेर भोजपुरी फिल्म 'बबुआ हमार' मे काज केलथि। फ़ेर चर्चित मैथिली फ़िल्म ' ससता जिनगी महग सेनूर ' में काज केलथी। डीडी पटनाके लेल प्रमोद चौधरी द्वारा निर्मित धारावाहिक 'पर्व भरा मिथिला’, शिव पूजन सहाय केर 'देहाती दुनिया’, सुनील कुमार (रायपुर, सीतामढी) के भोजपुरी फ़िल्म 'माटी' में अभिनय केने छथि। राजकमल चौधरी के उपन्यास पर आधारित श्रीकान्त मंडल जी द्वारा निर्देशित मैथिली फ़िल्म 'ललका पाग' के लेल पहिल बेर कॉन्ट्रैक्ट साइन केने छलथि। राष्ट्रीय फिल्म पुरस्कार से सम्मानित मैथिली फिल्म ' मिथिला मखान' में क्रांति प्रकाश झा हिरोक माईक भूमिका केने छथि।

अभिनयक संग प्रेमलता जी सुपरिचित साहित्यकार सेहो छथि। हिनकर रचना विभिन्न पत्र पत्रिका सभमें प्रकाशित भेल छनि। हिनक कथा संग्रह - 'एगो छली सिनेह',  हिनक संस्मरण 'वो दिन वो पल' आ कथा - संग्रह 'शेखर प्रसंग'

महिला रंगकर्मीक रुपें प्रेमलता जी बहुत रास संस्था सबसं जुड़ली जेना - भंगिमा, अरिपन, चेतना समिति, मैथिली महिला संघ आदि। प्रेमलता मिश्र के साहित्य, कला, संस्कृति, अभिनय लेल बहुत रास सम्मान भेटल छनि। पटनाक चेतना समित,  दिल्लीक अखिल भारतीय संस्थान, कोलकाताक मिथिला सांस्कृतिक परिषद, दरभंगा विद्यापति सेवा संस्थान, दिल्लीक नाट्य संस्था  मैलोरंग द्वारा (ज्योतिरीश्वर सम्मान) आ भामती स्त्री सम्मान (2018) सं सम्मानित कयल गेल छनि। मैथिली संस्थाक तुलनामें हिनका हिन्दी संस्था सं बेसी सम्मान भेटल छनि जेना - नूर फ़ातिमा सम्मान, पाटलिपुत्र अवार्ड, मिथिला विभूति दू दू बेर कोलकाता द्वारा , रहिका द्वारा सम्मान आदि।

प्रगतिशील चेतना के मूर्धन्य कवि, नागार्जुन अपन धारदार राजनीतिक चेतना के लेल सेहो जानल जाइत छलैथ। मैथिल काव्य-संग्रह ‘पत्रहीन नग्न गाद्य’ के लेल दोसर साहित्य अकादमी पुरस्कार १९६९ ई.  भेटलन्हि। उत्तर प्रदेश हिन्दी संस्थान सेहो हिनका पुरस्कृत केलैथ। ‘रतिनाथ की चाची’, ‘बाबा बटेसरनाथ’, ‘दुखमोचन’, ‘बलचनामा’, ‘वरुण के बेटे’ और ‘नयी पौध’ हिनकर प्रमुख उपन्यास छनि त ‘युगधारा’, ‘सतरंगे पंखों वाली’, ‘प्यारी पथराई आंखें’, ‘तालाब की मछलियां’, ‘चन्दना’, ‘खिचड़ी विप्लव देखा हमने’, ‘तुमने कहा था’, ‘पुरानी जूतियों का कोरस’ आ ‘हजार-हजार बांहों वाली’ आपके काल के भाल पर दर्ज काव्य-संग्रह अछि त ‘भस्मांकुर’ नाम सं हिनकर एकटा खंडकाव्य सेहो उपलब्ध अछि। १९९४ ई.मे हिनका साहित्य अकादमीक फेलो नियुक्त कएल गेलनी। 

यात्रीजी जखन २० वर्षक छलाह तखन १२ वर्षक कान्यासँ हिनकर विवाह भेलनी। हिनकर पिता गोकुल मिश्र अपन समाजमे अशिक्षितक गिनतीमे छलाह, मुदा चरित्रहीन छलाह। यात्रीजीक बच्चाक स्मृति छन्हि, जे हुनकर पिता कोना हुनकर अस्वस्थ आऽ ओछाओन धेने मायपर कुरहड़ि लए मारबाक लेल उठल छलाह, जखन ओऽ बेचारी हुनकासँ अपन चरित्रहीनता छोड़बाक गुहारि कए रहल छलीह। यात्रीजी मात्र छ वर्षक छलाह जखन हुनकर माए हुनका छोड़ि प्रयाण कए गेलीह। यात्रीजीकेँ अपन पिताक ओऽ चित्र सेहो रहि-रहि सतबैत रहलन्हि जाहिमे हुनकासँ मातृवत प्रेम करएबाली हुनकर विधवा काकीक, हुनकर पिताक अवैध सन्तानक गर्भपातमे, लगभग मृत्यु भए गेल छलन्हि। के एहन पाठक होएत जे यात्रीजीक हिन्दीमे लिखल “रतिनाथ की चाची” पढ़बाक काल बेर-बेर नहि कानल होएताह। पिता-पुत्रक ई घमासान एहन बढ़ल जे पुत्र अपन बाल-पत्नीकेँ पिता लग छोड़ि वाराणसी प्रयाण कए गेलाह।