अखन तक कोनो पुरान चैट सहेजल नहि अछि।
17 नव॰ 2026
Maithili Lokgeet
सखी हे रसे रसे दूल्हा चलै छैथ कोना!
जेना कल्हुआ के बरदा चलय यै जेना।
सखी हे कोल्हुआ केँ बरदा कहलियन कोना!
जेना बिहुति के चौरासी मे पेरथि जेना।
डेग नमहर क दुल्हा चलै छैथ कोना!
जेना बंधन सं बकरा भागै यै जेना।
सखी हे दूल्हा के बकरा कहलियन कोना!
जेना अज कुल के ई सब बालक जेना।
ठाड़ आँगन में दूल्हा लगै छैथ कोना!
जेना धरती में गारल खम्बा तेना।
सखी हे खम्बा उपमा कहलियैन कोना!
हिरणकश्यप के खम्बा सं उठला जेना।
सखी हे पुछथि स्नेहलता चलता कोना!
हम अंगूरी इसरा देखेबैन तेना।
गीतकार: स्नेहलता
इहो पढ़ब;-
नहुँ नहुँ दुल्हा चलै छथि कोना लिरिक्स -
Nahu Nahu Dulha Chalai Chaith Kona Lyrics
नहुँ नहुँ दुल्हा चलै छथि कोना
माई हे, नहुँ नहुँ दुल्हा चलै छथि कोना
माई हे, कलहुआ के बरद घूमै यै जेना
बरद के उपमा हुनका देलियन कोना
माई हे, बरद के उपमा हुनका देलियन कोना
माई हे, चौरासी के फंदा मे परल जेना -2
माई हे, कलहुआ के बरद घूमै यै जेना...
धरफर दूल्हा चलै छैथ कोना
माई हे, धरफर दूल्हा चलै छैथ कोना
माई हे, बन्धन से बकरा खुजै यै जेना -2
माई हे, कलहुआ के बरद घूमै यै जेना...
अंगना मे ठार दूल्हा लागय यै कोना
माई हे, अंगना मे ठार दूल्हा लागय यै कोना
माई हे, मेहक खम्भा गारल जेना -2
माई हे, कलहुआ के बरद घूमै यै जेना...
खम्भा के उपमा हुनका देलियन कोना
माई हे, खम्भा के उपमा हुनका देलियन कोना
माई हे, भार उठउता जगत के जेना
माई हे, कलहुआ के बरद घूमै यै जेना...
कहत स्नेहलता चलब कोना
माई हे, कहत स्नेहलता चलब कोना
माई हे, अंगूरी इसरा बतायब जेना -2
माई हे, कलहुआ के बरद घूमै यै जेना...
स्वर: सवर्ण लता झा, गीतकार: स्नेहलता
इहो पढ़ब;-
16 नव॰ 2026
Maithili Song Lyrics
Piya Mora Balak Ham Taruni Ge Lyrics in Hindi
पिया मोरा बालक हम तरूणी गे
कौन तप चुकलौं भेलौं जननि गे।
पहिरि लेल सखी दछिनक चीर
पिया के देखैते मोरा दगध शरीर।
हटिया के लोग पूछे के लागै तोहार
हटिया के लोग पूछे के लागै तोहार।
नहीं मोरा देवर की नहीं छोट भाय
पूरब लिखल छल बलमु हमार।
बाट रे बटोहिया के तुहुं मोरा भाई
हमरो समाद नैहर लेने जाई।
कहीहुन बाबा के किनय धेनु गाई
दुधावा पियाई के पोसता जमाई।
नहि मोरा टका अछि नहि धेनु गाई
कओनइ विधि पोषब बालक जमाइ।
भनहीं विद्यापति सुनहूं बृजनारी
धयरज धरिरहुं मिलत मुरारी।
रचनाकार : विद्यापति
पिया मोर बालक हम तरुनी अर्थात:
"पिया मोर बालक, हम तरुनी गे" क सरल अर्थ अछिः "हमर पिया/पति एखनो बच्चा छथि, जखन कि हम तरुनी अर्थात युवा महिला छी।" "ई पंक्ति सम्पूर्ण गीतक सार अछि। वक्ता हुनक वैवाहिक जीवनमे आयुक असंतुलनक कारणेँ उत्पन्न पीड़ा आ असुविधाकेँ व्यक्त करैत छथि।
इहो पढ़ब:-
Mithila Festival
मिथिला धरोहर : मिथिलांचलकऽ महान लोक पर्व सामा-चकेबा Sama Chakeva छैठकऽ पारन सँ शुरु होईत अछि आ पूर्णिमा धरि चलैत अछि। भाई-बहिनकऽ अद्भुत प्रेमकऽ प्रतीक लोक उत्सव सामा-चकेबा के रूप में सेहो मनायल जाइत अछि। जेकर सुरुवात महिला द्वारा गीत-नाद सँ होइत अछि, आयल कातिक मास, सामा लेल अवतार', 'सामा-चकेबा खेले गेली..', 'वृंदावन में आग लगले कियो ने बुझावे..', साम चक, साम चक अयऽह हे... आदि गीत गाबैत महिला सभ मईट सँ बनायल गेल सामा, चकेवा, वृन्दावन, चुगिला सहितक मूर्ति सभ बना कऽ प्रत्येक राति खेत तक जाइत छथि आ सामा खेलैत छथि।
• सामा पूजा आरम्भ
16 नवंबर 2026, सोमदिन
• सामा विसर्जन
24 नवंबर 2026, मंगलदिन
इहो पढ़ब:-
जतय चुगला-चुगली केँ जरायल जाइत अछि। भगवान कृष्णक पुत्रीक नाम सँ खेलल जाएवाला सामा खेलला सँ भाई केँ औरदा बढएकेँ जनविश्वास अछि। ग्रामीण आ शहरी इलाका मे लोग घरकऽ आगो एही लोक पर्व केँ मनाबैत छथि। एकर अलावा भाई द्वारा मईट सँ बनल मूर्ति कऽ तोड़ल जाइत अछि। पर्व कऽ लऽ केँ महिला म खासा उत्साह रहैत अछि। मिथिलाकऽ संस्कृति कऽ अनुसार कार्तिक पूर्णिमा कऽ अवसर पर इ पर्व मनायल जाइत अछि। मान्यता अछि जे अय दिन सामा कऽ विदाई देल जाइत अछि ऑउर अगिला वर्ष आवैय कऽ नोत देल जाइत अछि। संस्कृति कऽ संगे लोग सुख-समृद्धि आ भाई कऽ रक्षा कऽ प्रार्थना सेहो करैत छथि।
Tags:
Mithila Festival,
Sama Chakeva
15 नव॰ 2026
Bhojpuri
दुखवा मिटाई छठी मईया
रउवे असरा हमार
रउवे असरा हमार
सबके पुरावेली मनसा
हमरो सुन लीं पुकार
हमरो सुन लीं पुकार
ससुरा में आईनीं कईनीं बरतिया
हियवा जुराईं दीहीं पिया के पिरितिया
पिया के पिरितिया
अचल सोहाग दीह मैया
कइनीं बरत तोहार
कइनीं बरत तोहार
गोदिया भराइ दीहीं पियवा पुतवा
अंचरा में भरी दीहीं ममता दुलरवा
ममता दुलरवा
सुपवा चढाइब छठी मैया
देहब अरग तोहार
देहब अरग तोहार
सास ससुर के रोगवा मेटैह
उनकर कायवा के कंचन बनैह
कंचन बनैह
लउके अन्हार छठी मैइया
कर दीहीं घर उजियार
कर दीहीं घर उजियार
देवरा ननदिया के दीहीं बरदनवा
परिजन पुरजन पुराईं सपनवां
पुराईं सपनवां
घाटे सभे मिली छठी मैया
गावेली महिमा तोहार
गावेली महिमा तोहार
दुखवा मिटाईं छठी मैया
रउवे असरा हमार
रउवे असरा हमार
सबके पुरावेली मनसा
हमरो सुन लीं पुकार
हमरो सुन लीं पुकार
स्वर: श्री शारदा सिन्हा
गीत: हृदय नारायण झा
Tags:
Bhojpuri,
Chhath Puja Geet,
Sharda Sinha
5 नव॰ 2026
Geet Sangrah
विद्यापति रचना संग्रह
• गंगा स्तुति
• विद्यापति शिव भजन, नचारी
» गौरी के वर देखि बड़ दुःख भेल
» जगत विदित बैद्यनाथ, सकल गुण आगर हे
» आगे माई, जोगिया मोर जगत सुखदायक
» आजु नाथ एक व्रत महा सुख लागल हे
» शिव हेरब तोर बटिया कतेक दिनमा
» आजु सदाशिव शंकर हर के देखलौं गे माइ
• विद्यापति कृष्ण भजन
» चानन भेल विषम सर रे, भूषन भेल भारी
» हरी के मोहनी मुरतीया में मोन लागल हे सखी
» भजु राधे कृष्णा गोकुल में अबध-बिहारी
• विद्यापति मैथिली भजन
» सबरी के बैर सुदामा के तण्डुल
» सबरी के अंगना में साधु-संत अयलखिन्ह
• बटगवनी गीत सब
• विबाहक गीत
» मचिये बैसल तोहें राजा हेमन्त ॠषि
• प्रतिनिधि रचना सब
» ससन-परस रबसु अस्बर रे देखल धनि देह
» तातल सैकत वारि विन्दु सम सुत मित (शांति पद)
» लोचन धाय फोघायल हरि नहिं आयल रे
• बसंत-शोभा गीत
• भुइयां के गीत
» कोने लोक आहे भूईयां लकड़ी चुनै छी आहे राम
» हई कुसुम बेली चढ़ई ताके मईया गे सुरेसरी
• बिरह गीत
•बारहमासा गीत
» चानन रगड़ि सुहागिनी हे गेले फूलक हार
25 अक्टू॰ 2026
Durwa Akshat Mantra - दूर्वा अक्षत मंत्र
"ॐ आब्रह्मन ब्राह्मणों ब्रह्मवर्चसी जायतामाराष्ट्रे राजन्यः शूर इषव्यौऽतिव्याधि महारथी जायताम दोघ्री धेनुर्वोढाऽनड्वानाशुः सप्ति पुरन्ध्रिर्योषा जिष्णू रथेष्ठाः सभेयो युवाऽस्ययजमानस्य वीरोजायाताम निकामे निकामे नः पर्जन्यो वर्षतु फलवत्यो न औषधयः पच्यन्ताम योगक्षेमोनः कल्पताम् मंत्रार्था: सिद्धयः सन्तु पूर्णाः सन्तु मनोरथाः। शत्रुणां बुद्धिनाशोऽस्तु मित्राणामुदस्तव।"
उम्र में जेष्ठ आ बियाहल पांच गोटे (या बेसी) पुरुख अपन माथा झाँपि के अपन हाथ में दूभि, धान, अक्षत (चाउर) लऽ कऽ दूर्वाक्षत मन्त्र पढ़लाक उपरांत तीन बेरा दीर्घायु भवः, दीर्घायु भवः, दीर्घायु भवः पढ़ैत हाथ सँ दूभि, धान अक्षत बर या बरुआ के ऊपर फेकि कऽ एक बेर बैस कऽ उठी के आशीर्वाद देल जाएत अछि।
नोट - बर - कनियाँ संग रहला पर तीन बेरा दीर्घायु भवः आ तीन बेरा सौभाग्यवती भवः कही के आशीर्वाद देल जाइत छैक।
दूर्वाक्षत मन्त्र के अर्थ
हे भगवान अपना देश में सुयोग्य और सर्वज्ञ विद्यार्थी उतपन होथि, और शत्रु के नाश केनिहार सैनिक उतपन होथि। अपन देशक गाय खूब दूध दिअ, बैइल बड़द भार वहन करय में सक्षक होथि आ घोड़ा त्वरित रुपे दौड़य बला होय। स्त्रीगण नगरक नतृत्व करवा में सक्षक होथि, और युवक सभा में ओजपूर्ण भाषण देबैय बला और नेतृत्व देबय में सक्षक होथि। अपन देश में जखन आवश्यकता होय तखन बर्षा होय, आ औषधिक जड़ी-बूटी सर्वदा परिपक्व होइत रहय। एवं क्रमें सब तरहे हमरा सभक कल्याण होय। शत्रुक बुद्धि के नाश होय। मित्रक उदय होय।
Tags:
Durwakshat,
Mantra,
Pujan Vidhi
24 अक्टू॰ 2026
Kojagara
देवर संग खेलब पचीसी हे
कोजगरा के राति
देवर संग खेलब पचीसी हे
कोजगरा के राति
सोना के कौड़ी रूपा के पासा
सोना के कौड़ी रूपा के पासा
कोना खेलब हम जीतब हे
कोजगरा के राति
कोना खेलब हम जीतब हे
कोजगरा के राति
देवर संग खेलब पचीसी हे
कोजगरा के राति
मौसी सिखोलनी दादी सिखोलनी
मौसी सिखोलनी दादी सिखोलनी
आओरो सिखोलनी पीसी हे
कोजगरा के राति
आओरो सिखोलनी पीसी हे
कोजगरा के राति
देवर संग खेलब पचीसी हे
कोजगरा के राति
हमरो के देबर खेलहो ने जानहि
हमरो के देबर खेलहो ने जानहि
खै गेल भौजी सोहारी
कोजगरा के राति
खै गेल भौजी सोहारी
कोजगरा के राति
देवर संग खेलब पचीसी हे
कोजगरा के राति
देबर जे हरला हमहुँ जे जितलऊँ
देबर जे हरला हमहुँ जे जितलऊँ
सखी सब मारे पिहकारी हे
कोजगरा के राति
सखी सब मारे पिहकारी हे
कोजगरा के राति
देवर संग खेलब पचीसी हे
कोजगरा के राति
Kojagara
मैथिली कोजगरा गीत लिरिक्स लिखल
इहो पढ़ब:-
Kojagara
पारम्परिक कोजगरा गीत
बौआ के छियनि कोजगरा हे
पूर्णिमा के राति
कथी के जूत्ता कथी के छत्ता
कोने खराम चढ़ि चलता हे
पूर्णिमा के राति
सोने के जुत्ता रूपे के छत्ता
झनुकी खराम चढ़ि चलता हे
पूर्णिमा के राति
कथि के थारी, कथी के कौड़ी
किनका संग खेलता पचीसी हे
पूर्णिमा के राति
सोने के थारी, चानी के कौड़ी
भौजी संग खेलता पचीसी हे
पूर्णिमा के राति
21 अक्टू॰ 2026
Kojagara
पारंपरिक मैथिली कोजगरा गीत
लाल पीयर डाला छै भैया ले माला छै
अंगना में अरिपन के सान
देखियो कोजगरा के बिध महान
पट्टा भैर चूड़ा छै दस घौंर केरा छै
खाजा छै लड्डू छै रंग रंग बताशा छै
डाला पर रंग रंग समान
देखियो कोजगरा के बिध महान
चांदी के थारी में तिती आ कौड़ी छै
भैया ल पेटी छै पेटी में धोती छै
तै पर पान मखान
देखियो कोजगरा के बिध महान
रांगल पीरही छै मकुआ के छरी छै
छत्ता छै जुता छै झुनकी खराम छै
तममा भरह दुभि धान
देखियो कोजगरा के बिध महान
18 अक्टू॰ 2026
Maithili Lokgeet
Choolha Phukal Nahi Jaaye He, Baru Rahitau Naihar Me
चूल्हा फुकल नहीं जाए हे
बरु रहितौ नैहर में
चूल्हा फुकल नहीं जाए हे
बरु रहितौ नैहर में...
सूइत ऊईठ बारहैन सं अंगना बाहरै छी
नन्दी मुंहझौंसी के सेहो समहारै छी
बोली सहल नही जाए रे
बरु रहितौ नैहर में...
ऊखैर समाठ हमरा छुबिलो ने जाई यै
ठेकी पर पैर दैत तरबा लहरै यै
रोटी बेलल नही जाय हे
बरु रहितौ नैहर में...।
14 अक्टू॰ 2026
Durga Bhajan
चढिते आसिनमें गाम, आइब जैहें हमर दुर्गा मैया
चढिते आसिनमें गाम, आइब जैहें हमर दुर्गा मैया
बाट जोहय छौ सन्तान, संगमें मिथिला नगरिया
बाट जोहय छौ सन्तान, संगमें मिथिला नगरिया
चढिते आसिनमें गाम,
चढिते आसिनमें गाम आइब जैहें हमर दुर्गा मैया
चढिते आसिनमें गाम आइब जैहें हमर दुर्गा मैया
बाट जोहय छौ सन्तान, संगमें मिथिला नगरिया
अबिहं मा संगे सातो रे बहिनिया
अबिहं मा संगे सातो रे बहिनिया
सभहक पूजब हम रैच रैच चरनिया
सभहक पूजब हम रैच रैच चरनिया
दै छियौ मा हम हकार
आइब जईहें हमर दुर्गा मैया
चढिते आसिनमें गाम आइब जैहें हमर दुर्गा मैया
बाट जोहय छौ सन्तान, संगमें मिथिला नगरिया
करिहें नै देरी एको दिन माता
करिहें नै देरी एको दिन माता
पुत्रक असह भेलौ दरस के बिपाशा
पूइर जेतै पूरा एक साल
आइब जईहें हमर दुर्गा मैया
चढिते आसिनमें गाम आइब जैहें हमर दुर्गा मैया
बाट जोहय छौ सन्तान, संगमें मिथिला नगरिया
स्वर: विकाश झा आ संगम झा
गीत: मनोज झा ढंगा
संगीत: कुमार संजय
इहो पढ़ब:-
15 अग॰ 2026
Chaurchan Geet
भादो मास तिथि चतुर्थीक
भादो मास तिथि चतुर्थीक
निप्पल अंगना दलान
गे बहिना औथिन चौठी चान
गे बहिना औथिन चौठी चान
मटकुरी में दही पौरल
अनलौं फूल आ पान
साजल डाला फल मिठाई सं
और सजल पकवान
गे बहिना औथिन चौठी चान
गे बहिना औथिन चौठी चान
आस लगौने पवनैतिन सब
बीतल जाइया सांझ
धीया पुता किलोल करैया
उगियौ हे भगवान
गे बहिना औथिन चौठी चान
गे बहिना औथिन चौठी चान
दरभंगिया गुनगान गवैया
सुखमय दिय बरदान
विक्की करे हुनके सं विनती
करथिन पुरा अरमान
गे बहिना औथिन चौठी चान
गे बहिना औथिन चौठी चान
भादो मास तिथि चतुर्थीक
भादो मास तिथि चतुर्थीक
निप्पल अंगना दलान
गे बहिना औथिन चौठी चान
गे बहिना औथिन चौठी चान
गायक: दिलीप दरभंगिया
गीतकार: विक्की झा
Chaurchan Puja
मिथिला धरोहर : भादव मासक शुक्ल पक्षक चतुर्थी (चौठ) तिथिमे साँझखन चौठचन्द्र कऽ पूजा होइत अछि जकरा लोक चौरचन पाबनि कहै छथि। एहि बेरा 2027 मे इ पावनि 4 सितंब के अछि। एहि समय चन्द्रमा कनी काल रहि कऽ डूबि जै छथि। एहि दुर्लभताकऽ कारणेँ लोकमे प्रचलित अछि जे कोनो व्यक्ति के बहुत दिनपर देखबापर कहै छथि जे अहाँ तँ 'अलखख चान' (अलक्ष्य चान) भऽ गेलहुँ। पुराणमे प्रसिद्ध अछि जे चन्द्रमा कऽ एहि दिन कलंक लागल छलनि। तेँ एहि समयमे हुनख दर्शनकेँ दोषापूर्ण मानल जैत अछि। मान्यता अछि जे एहि समयक चन्द्रमाकऽ दर्शन करबापर फूसिकऽ कलंक लगैत अछि। एहि दोषक निवारण करबाक लेल "सिंह: प्रसेन" वला मन्त्रक पाठ कैल जैत अछि।
चौरचन पूजा 2027 मे 4 सितंबर, 2027 के अछि।
Chaurchan Puja 2027 Date: September मिथिला पंचांग अनुसार
ई मिथिला सँ भिन्न प्रान्तक व्यवहार थिक। मिथिलामे भादवकऽ इजोरियाकऽ चौठमे मिथ्या कलंक नञि लागय ताहि हेतु रोहिणी सहित चतुर्थी चन्द्रक पूजा होइत अछ।
एहि पावनि सँ जुरल एकटा कथा अछि जे एक बेर गणेश भगवान केर देखि चन्द्रमा हँसि देलैथ, एहिपर ओं चन्द्रमा के सराप देलैथ जे अहाँ कऽ देखबा सँ लोक कलंकी होयत। तखन चन्द्रमा भादव शुक्ल चतुर्थी मे गणेशक पूजा केलनि। ओं प्रसन्न भऽ कहलथिन:- अहाँ निष्पाप छी, जे व्यक्ति भादव शुक्ल चतुर्थीकेँ अहाँक पूजा कऽ 'सिंह प्रसेन...' मन्त्रसँ अहाँक दर्शन करत तकरा मिथ्या कलंक नञि लगतै ओकर सभ मनोरथ पूर्ण होयत।
चौठचन्द्र केर पूजा:- ई चतुर्थी सूर्यास्तक बाद अढ़ाइ घण्टा धरिक, लेल जाइछ। जँ तिथि दू दिन एहि समय म पड़य तँ अगिला दिन व्रत ओ पूजा हो। भरि दिन व्रत कऽ साँझखन अंगना मे पिठार सँ अरिपन देल जाइछ। गोलाकार चन्द्र मण्डलपर केराक भालरि (पात) दऽ ओहिपर पकमान, मधुर, पूड़ी, ठकुआ, पिड़ुकिया, मालपूआ पायस आदि राखी। मुकुट सहित चन्द्रमाक मुँहक अरिपनपर केराकऽ भालरि दऽ रोहिणी सहित चतुर्थी चन्द्रक पूजा उज्जर फूल सँ पच्छिम मुहेँ करी। परिवारक सदस्यकऽ संख्यामे पकमान युक्त डाली आ दहीक छाँछी कऽ अरिपनपर राखी। केराक घौर, दीप युक्त कुड़वार (माटिक कलश), लावन आदिकऽ अरिपनपर राखी। एक-एक डाली, दही, केराक घौर उठाऽ 'सिंह: प्रसेन....' मंत्रक संग 'दधिशंखतुषाराभम्...' मन्त्र पढ़ि समर्पित करी। प्रत्येक व्यक्ति एक-एक फल हाथमे लऽ ओहि मन्त्र सँ चन्द्रमाकऽ दर्शन कऽ प्रणाम करी। दक्षिणा उत्सर्ग कऽ प्रसाद ग्रहण करी। चन्द्रमण्डलपर राखल प्रसाद कऽ उपस्थित पुरुषवर्ग ओकर चारू भर गोलाकार पंक्तिबद्ध कऽ पातपर फराक-फराक भोजन कऽ ओही ठाम खैद खूनि गाड़ि दी एकरा मड़र भाङब कहल जाईत अछि। चन्द्रमाक आराधना सँ बहुतो व्यक्ति कऽ कामना पूर्ण भेलनि अछि। मिथिलाकऽ विशेष पर्व चौरचन अपना मे एहि ठामक संस्कृति केर अनेक बिन्दु कऽ समेटने अछि।
इहो पढ़ब :-
13 अग॰ 2026
Chaurchan Geet
चौरचन पूजा गीत
भादव शुक्ल चतुर्थी
उगिलैथ चौठी चान यो
चौरचन के भगवान यो ना
भादव शुक्ल चतुर्थी
उगिलैथ चौठी चान यो
चौरचन के भगवान यो ना
भादव शुक्ल चतुर्थी
उगिलैथ चौठी चान यो
चौरचन के भगवान यो ना
गाय गोबर सं अंगना निपल
चौखुट अरिपन ऊपर लिखल
गाय गोबर सं अंगना निपल
चौखुट अरिपन ऊपर लिखल
हिमकर अहीं के पूजब
सब विधि ए विधान यो
चौरचन के भगवान यो ना
भादव शुक्ल चतुर्थी
उगिलैथ चौठी चान यो
चौरचन के भगवान यो ना
राखल भरि थारी पचनेर
कलसक ऊपर नारिकेर
राखल भरि थारी पचनेर
कलसक ऊपर नारिकेर
बनलै भरि डाली पूरी
संग में पकवान यो
चौरचन के भगवान यो ना
भादव शुक्ल चतुर्थी
उगिलैथ चौठी चान यो
चौरचन के भगवान यो ना
चीनी के पूरी आ पिरिकिया
मोरर तर में खजुरी टिकिया
चीनी के पूरी आ पिरिकिया
मोरर तर में खजुरी टिकिया
माधव गाइब सुनावै
पावन के गुनगान यो
चौरचन के भगवान यो ना
भादव शुक्ल चतुर्थी
उगिलैथ चौठी चान यो
चौरचन के भगवान यो ना
भादव शुक्ल चतुर्थी
उगिलैथ चौठी चान यो
चौरचन के भगवान यो ना
भादव शुक्ल चतुर्थी
उगिलैथ चौठी चान यो
चौरचन के भगवान यो ना
इहो पढ़ब :-
5 अग॰ 2026
Gauri Puja Geet
पारम्परिक गौरी पूजा गीत
गौरी पुजन के भेल अबेर,
सीया गेली खीसीआई हे
कीयो सखी आवे सीया के मनाबे,
कीयो सखी जल लेने ठाढ़
गौरी पुजन के भेल अबेर...
कीयो सखी आवे सीया के मनाबे,
कीयो सखी फूल लेने ठाढ़
गौरी पुजन के भेल अबेर...
कीयो सखी आवे सीया के मनाबे,
कीयो सखी नैवेद लेने ठाढ़
गौरी पुजन के भेल अबेर...।
Gauri Puja Geet
पारम्परिक गौरी पूजा गीत
गौरी पुजय लेल सीता बेहाल भेल छै,
मांग सिन्दुर भरल रंग लाल भेल छै
सीत सिन्दुर भरल रंग लाल भेल छै
फुल डाली सजल रंग बिरंग फूल सं
रंग बिरंगे कनैल जूही अड़हुल सं
धुप गुगुल स गम-गम महल भेल छै
मांग सिन्दुर भरल रंग लाल भेल छै
नव कोबर सजल दीप अहिबात सं
जेना सीता सटल राम के कात सं
लोक बाजै जोड़ी कमाल भेल छै
मांग सिन्दुर भरल रंग लाल भेल छै
सीता बिनती करै छैथ बहुत नेम सं
गीत गाबि-गाबि भक्ति मधुर प्रेम सं
सोभ देखी सुनैना नेहाल भेल छै ,
मांग सिन्दुर भरल रंग लाल भेल छै
इहो पढ़ब:-
4 अग॰ 2026
Madhushravani Geet
• पारम्परिक मधुश्रावणी पाबनिक गीत
पावनि पूजू आजु सोहागिन प्राण नाथ के संग मे ।
कारी कम्बल झारि गंगाजल काजर सिन्दूर हाथ मे ।
चानन घसू मेहदी पीसू लिखू मैना पात मे ।
पाबनि साजी भरि-भरि आनल जाही-जूही पात मे ।
कतेक सुन्दर साज सजल अछि लिखल मैना पात मे ।
Madhushravani Geet
मधुश्रावणी पाबनिक गीत
पाबनि पाबनि रटैत रटैत बीतल रे उमेरीया
कोनटा धेने ठाढ़ छलीयै कखन औथिन्ह भड़ीया
पाबनि पाबनि रटैत रटैत बीतल रे उमेरीया
सासु पठेलखिन्ह केरा दही भड़ीया
ससुर पठेलखिन्ह लाल सड़ीया ।।
पाबनि पाबनि रटैत रटैत बीतल रे उमेरीया
गोतनी पठेलखिन्ह केचुआ के भड़ीया
ननदी पठेलखिन्ह फुलक डलीया
पाबनि पाबनि रटैत रटैत बीतल रे उमेरीया
3 अग॰ 2026
Bishari Geet
पाँचों बहिनिया विषहर, पाँचों कुमारि
राम पाँचों कुमारि
राम छोटकी बहिनिया विषहर शिव के दुलारी
राम छोटकी बहिनिया विषहर शिव के दुलारी
पाँचों बहिनिया के नामि-नामि केश
राम नामि-नामि केश,
राम मुठीये के डार छनि अलप बएश
राम मुठीये के डार छनि अलप बएश
आहे आहे विषहरी ई की कैल तोर
राम ई की कैल तोर,
राम पलँगा सूतल बालम डसलह मोर
राम पलँगा सूतल बालम डसलह मोर
जाहि दिन छलहुँ हम शिव केर कोर
राम शिव केर कोर
राम तहिया गौरी बजलीह सौतीन मोर
राम तहिया गौरी बजलीह सौतीन मोर
आब हम ऐलहुँ सरोबर बाट
राम सरोबर बाट,
राम आबे गौरी माँगय छथि सीर के सिंदूर
राम आबे गौरी माँगय छथि सीर के सिंदूर
लाऊ गायब आहे गौरी लावा दूध फूल
राम लावा दूध फूल,
राम तखने बकस देब सीर के सिंदूर
राम तखने बकस देब सीर के सिंदूर
----------------------------------------
(2)
पाँचों बहिनिया विषहर, पाँचों कुमारि
राम पाँचों सिर पर कलश विराजे हाथे धूप दान
कहमा के आसन-बासन, कहाँ निज धाम,
राम किनकर बेटी थिकौँ, किये छी नाम
निम तर आसन - बासन, गंगा निज धाम,
राम गौरी दाय के बेटी थिकौँह, जया
विषहर नाम
कोने फूल चढ़ायब विषहर, कि देब नबैद,
राम
कि हम देब विषहर पूजा अहाँ लेब
मैना के पात पर, हे सुहागिन हमरो बैसाब
राम फूल अच्छत, दूध लावा चढ़ाइब
धन्य ही विद्यापति सुनिये महेश, आहे
आबैत हेथीन पाँचो बहिनि हरति कलेश
इहो पढ़ब:-
.webp)






